大公文匯全媒體: 港女賣樓跟「出軌」男友移民 換來傷心欲絕結局


  • 有港女明知男朋友出軌,卻抱鴕鳥心態,以為兩人齊齊移民他國後會有新的開始。點知,人在異鄉在經濟同心理壓力都大增的情況下,兩人關係每況愈下,港女最後更換來男友一番令人傷心欲絕的說話。然而,移民讓她失去了分手的勇氣,既不能搬走,就連返港的路費也不夠。悔不當初的港女大嘆:「如果有得畀我做多次選擇,我絕對會喺當時同佢攤牌,同佢講清講楚,及時止蝕。」

    該名女生早前在一個愛情平台娓娓道出個人經歷,憶述她和男友在大學時認識,畢業初時她搵唔到工,又想繼續讀書,對方都冇怨言,十分支持她,還支付晒所有出街使費。兩人由無錢到儲夠錢付首期買樓同居,5年來都在對方身邊不離不棄。

    直至去年,他們決定放棄香港擁有的一切,開始計劃移民後結婚生仔,並找來朋友親戚幫忙在外地搵工及搵樓、辦理簽證、買機票等等。當時女生真心以為可以同男友過人世,所以明知離開香港是一個辛苦的選擇,但想和對方一起努力。

    豈料,在出發前夕,有人向女生告密指她男友與同事「有路」,她曾嘗試偷看男友手機電腦,卻搵唔到任何證據,但又沒有勇氣質問對方,反而轉念一想「反正五年嚟佢都一直喺我身邊,就算出軌都有心瞞我,又扮得好好,證明我喺佢心目中都幾重要,可能出去食過其他嘢先知道我最適合佢呢」,而且移民的事宜都準備好,深信男友不會為第三者放棄一直以來的努力。

    然而,女生在移民當地後發現生活不似預期,難以融入,加上掛念家人,但又不夠積蓄回港,於是便向男友呻了幾句,卻反被怪責「唔捱得」。後來有一次在忍無可忍下,女生向男友提起出軌之事。點知,男友竟稱感到好後悔,「唔明當初點解會喺有得畀佢揀嘅時候選擇我呢個乜都比個女同事差嘅人」。女生聽完後整個人都呆了,想起為了他放棄香港的一切,來到一個陌生地方,卻換來一句傷心欲絕的說話。女生慨嘆「我冇勇氣講分手,冇勇氣搬走,因為我連返香港嘅路費都唔夠」。