香港樂壇要衝出香港做亞洲第一，最大障礙係香港聽歌嘅人自己

[匿名者]

香港2000年開始至今，受歡迎嘅基本上90%以人係口水k歌，編曲樂器極單調，而呢啲歌根本好難打入到國際市場，得聽歌口味陝隘嘅香港人聽唔厭，佢哋音樂接受能力低，往往只談論歌詞。正因為咁，香港音樂人好少製作其他不同類型嘅曲風，因為係香港冇巿場。

好似琴日頒奬禮咁，全民投票變相只係鬥fans多，出嚟結果冇錯係公平有市場代表性，但有少少扼殺樂壇發展。香港樂壇頒獎禮你極少見到hip hop, jazz, metal 等其他類型歌曲攞獎，好歌唔係冇，係電台電視台同聽眾都忽略咗佢地。

其實音樂頒獎禮好應該嘗試仿效外國，按不同music genre設奬, 令一啲目前冇咁主流嘅好音樂可以得到肯定，亦制造到一個渠道比多啲香港人留意到一啲攞奬嘅另類音樂。音樂多元化，聽眾鑑嘗能力提高，當然歌手本身亦要有實力，香港音樂要衝出香港便不是夢。