女兒被男同學隔口罩錫面 港爸嬲爆當眾鬧喊對方外傭

[匿名者]

年幼的小童在玩耍時可能未必留意與異性之間的距離。有港媽近日在網上發文，指兒子上畫畫班時，隔著口罩親吻女同學的面頰。女童父親目睹事件後感到不滿，當眾辱罵負責接送其兒子的外傭。該名港媽又指，外傭因委屈而哭泣，事後亦不斷詢問自己是否做錯事。

該名港媽日前在Facebook群組「表揚好姐姐開心分享區」發文，指兒子早前在上畫畫班時，熱情地隔著口罩親吻女同學的面頰。女童父親目睹事件後感到不滿，「即刻喺走廊嗰度捉住我工人姐姐狂鬧5分鐘，佢話點解唔睇緊我仔。」其外傭解釋指，畫室當時太多人，而自己則要照顧妹妹，因此讓哥哥獨自排隊進入課室。該名港媽指，「我姐姐不停喊住同佢講對唔住，佢就不停喺度鬧我姐姐。畫室外面仲有好多其他家長睇住成個情況，我工人立即覺得好委屈。俾一個男人大大聲指住個頭鬧。」

港媽在得知事件隨即到場了解，並指知道兒子的行為不當，因此即時向女童父親道歉，但認為對方的態度有問題，指對方不應以外傭出氣，直言「佢憑咩羞辱我姐姐？連我成家人都唔敢大聲鬧工人姐姐更何況佢？」港媽又指，外傭在事發後感到難過，不停詢問「係唔係做錯嘢？」

事件引起網民關注，部分人批評女童父親的行為，指「佢個女見到個老豆咁鬧人，對佢都唔好啦，唔識得尊重人」、「個爸爸當住小朋友面咁做，做晒壞榜樣」等。另外，亦有人認為該名港媽亦有責任，認為她應教導兒子，並指「小朋友太細真係未知咩叫非禮，家長要教育」、「做老竇保護個女好正常喎 ，只怪爸爸太激動」、「如果我係爸爸，我都會癲，無啦啦個女比人錫，又係疫情，嗰小朋友（女仔）都會驚，可能仲有陰影！」等。

帖文來源：「表揚好姐姐開心分享區」