湯文亮:香港經濟不差,點解咁多人要賣樓?


  • 有朋友受不了最近對樓市鋪天蓋地的唱淡消息,而唱淡樓市理由不外乎經濟環境轉壞,利息上升以及移民的人多了,於是打算將自住單位賣走,求個安心,但物業代理話冇人睇樓,朋友嚇了一跳,以為樓市很差,差到冇人睇樓,其實有少少誤會,原來那些打算買樓的人趁近日政府推出0+3,回港不用隔離,一家人去了旅行,要等多十日八日才會有人睇樓。

    朋友認為,咁多香港人在開關之後去了旅行,點樣講都不能夠話經濟不好,而且,那些人打算買樓的人如果有錢去旅行,代表財政預算非常鬆動,又點會擔心加息,如果那些人打算移民,又點會去旅行,所以,睇淡樓市的理由根本站不住腳,朋友擔心賣樓之後很難再以相若價錢買得返,如果政府見樓市不景而放寬一些辣招,他永遠都唔會有機會再買樓,物業代理當然唔係咁講,他們話今日唔賣,明年跌多兩成。

    全世界都急不及待通關,最大理由是希望多些人到本土消費,即使明知道有風險都要通關,香港則不同,大多數市民希望在通關之後可以去日本,泰國等地旅行,由此可見,香港經濟是相當健康,既然係咁,點解有咁多人要劈價賣樓,這是一個謎,朋友話在未解開這個謎之前,他是不會賣樓。