迪士尼過山車故障員工態度極惡劣 一句趕客式回應遭轟:唔想做就辭職!


  • 不少香港人都會在假日選擇到迪士尼遊玩,部分較為刺激的遊樂設施更極受歡迎。日前有名迪士尼fans表示玩Hyperspace Mountain過山車時遇到故障之餘,員工態度更極其惡劣,行為非常趕客,令網民都忍不住怒轟「唔想做就辭職」!

    去迪士尼玩過山車竟無人check安全帶?

    日前有網民於Facebook群組「我真係好鍾意迪士尼資訊分享群」發文分享她在萬聖節在迪士尼遊玩時的不愉快經歷。她表示當日她在位於明日世界園區的Hyperspace Mountain過山車排隊時,已不斷遭到工作人員催趕,工作人員在她登上過山車後竟然沒有檢查安全帶,令她感覺十分不專業。

    迪士尼員工語氣惡劣+趕人走:迪士尼真係好「Magical」!

    除此之外,過山車更出現了故障,雖然故障並沒有令她的人身安全受到威脅,但她指出工作人員沒有妥善處理事件,並稱處理過山車故障事件與催趕遊客的工作人員是同一名員工。 而根據迪士尼往常做法,如果遊樂設施在運行期間出現故障,為表歉意遊客是可以獲得一張由工作人員派發的「Fast Pass」(優先遊玩其他設施的快速通行證)作補償,但當她向工作人員查詢時,對方竟叫她「自己買」,更指出需要在遊玩途中有故障才會派發Fast Pass。加上工作人員語氣惡劣及不斷想事主離開,令她忍不住怒斥「大佬你個嘢壞咗,我仲要上網買fast pass?邊個都唔想啲機動設施壞,我都係好聲好氣問佢一陣間會唔會有得返嚟玩啫,真係未試過喺迪士尼有啲咁『Magical』嘅moment」。

    網民:Space Mountain工作人員態度特別西!

    帖文一出就引起大批網民熱議,不少人都指出今時唔同往日,現在香港迪士尼的員工大部份都不專業且無禮貌,行為十分「break magic」: 【唔check安全帶嚴重過失嚟】「其實佢只需要話無得派,不用補一句叫人上網買,未check安全帶,大家要勇敢說出來,嚴重過失!」 【我無諗住趕住去死喎!】「應該要投訴,無check安全帶喎!有咩事發生點算?喂,你趕住開遊戲啫,我無諗住趕住去死喎!加上佢嘅態度,如果係我,我一定會投訴埋!」 【唔鐘意咪quit囉】「唔想做可以辭職,麻煩唔好拎啲客嘅命嚟開玩笑!出事你點賠返條命俾我?」

    【安全第一!】「冇Fast Pass事小,唔check安全帶係事大,如果有咩意外fing咗個人出去(之類啦)咁就一世了!」 【Hyperspace Mountain工作人員態度特別差】「我都投訴過呢個問題啦!Hyperspace Mountain啲工作人員好L西,我未起身安全帶都未放,用電筒照住我『快啦!起身啦!好多人排隊』我就X個工作人員『我X你咩!你咩態度?我夠排隊入嚟玩都要等,加上安全帶都未解鎖,你叫我起身?你有咩問題?我一定投訴你!』最後我去咗大街投訴。」 【已無員工講生日快樂】「以前成人戴生日襟章,都會講生日快樂。現在戴成日都無一個職員同你講。只係酒店員工先講生日快樂!」