其實緬甸個局係好複雜，唔係民主對獨裁咁簡單

[匿名者]

https://lih.kg/2409147

緬甸呢個局其實好複雜。#give#dog

首先，緬甸係一個未統一實際上係無法統一既國家，除左中央政府之外，仲包括大量既分離武裝，其中緬北既分離主義勢力，例如掸邦既緬共游擊隊，佤邦聯合軍以及德昂解放軍，長期都係受支共既資金同軍火支持。而除左緬北之外，若開既羅興亞人，接壤印度既西部地區都有其他各種唔同實力支持既分離武裝。

因此，不論係民主派定軍方，其實都係想用緬族人統一成個緬甸，呢個係緬甸既基本格局。而民主派同軍方既分別主要在於，民主派更加傾向用和平談判來解決分離主義問題，而軍方自然係傾向使用軍事手段，但係一旦和平無法解決既時候，就算係民主派都會支持軍方出兵鎮壓（羅興亞就係一個例子）。

而係緬甸問題上面，支共既目的其實就係想用緬甸來突破西方係馬六甲既封鎖綫，進入印度洋，因此最好既情況係支共可以得到緬甸作爲盟友，最壞既情況就係令緬甸陷入分裂而無辦法配合西方同印度封鎖自己，所以支共一直都係利用緬甸下面既分離武裝來牽制中央政府，於是當中央政府勢強既時候，支共就支持緬北分離武裝，分離分子勢強既時候，支共就支持中央政府，支共既角色其實就好似star wars裏面既Palpatine一樣，於是兩邊無論點玩，結果都係更加依賴支共，於是就造成左緬甸長期“奶共”既現象。#zzz#dog

但實際上緬甸軍方都知道長遠落去緬甸只會變成支共既附庸國，於是先有讓權比昂山素姬既所謂民主改革，民主改革實際上既效果就係換取西方解除制裁，令日本，南韓同印度既資金入來同軍政府做生意，減低緬甸對支共既依賴程度。而支共既對策就係dum錢落去昂山素姬到，因爲昂山素姬係需要令緬甸人知道，只有靠我地民主派你地緬甸人先有好日子過，而相反西方當時仲係驚緬甸局勢不穩所以無人敢入去做生意，於是昂山素姬任内就有各種一帶一路水壩港口Projects上馬。#ng#

而因爲昂山素姬背後既水喉其實係來自支共，所以昂山素姬就選擇對支共支持既緬北進行和平談判，另一方面就支持軍隊對付緬族人恨之入骨既羅興亞人，但羅興亞人實際上係英國係二戰既盟友（而昂山素姬老豆反而係日本既盟友來），於是西方雖然無實際支持羅興亞人，但係道義上係唔會坐視緬甸針對自己既舊盟友搞種族滅絕，於是緬甸鎮壓羅興亞人，係國内雖然贏得民意支持，但係國際上就令緬甸陷入孤立，而孤立就反而令昂山素姬更加需要向支共靠攏，而支共係呢個情況之下又係2016-2017年呢段時間重新支持翻緬北分離主義勢力。

由於軍方當初選擇同昂山素姬分享權力主要既目的就係希望吸引外資，但結果反而就係令緬甸陷入孤立而更加需要依賴支共。而軍隊對於支共支持緬北分離武裝同埋昂山素姬各種出賣緬甸主權既行爲一路都好不滿，於是係政變發生之前，軍隊就開始減少向支共而反而增加由俄羅斯輸入軍火，又係軍方電視台高調展示係緬北搜刮翻來既中國軍火，但始終緬甸格局係無辦法脫離支共，所以軍隊發動政變之前仍然要取得支共既首肯，結果就係製造左支共支持軍方推翻昂山素姬既假象，於是香港班蠢人黃絲基於敵人既敵人就係自己既朋友，就反而支持翻呢個擁護香港國安法同高調宣傳一帶一路既昂山素姬同全國民主同盟。#haha#dog

而現實係，不論係昂山素姬定軍隊，支共都有辦法令呢批人全部向自己賣命，但比起大量依賴支共投資來支撐經濟繁榮既昂山素姬，軍隊對於領土統一同主權既重視，反而更加有可能係未來，因爲緬北分離主義既問題上面同支共產生矛盾，但由於軍隊不可能放過羅興亞人，加埋軍事政變既關係同西方暫時係無可能解凍，於是支共仍然係最大贏家。#haha#dog

簡單來講，緬甸個局由始至終都唔係民主對獨裁呢種簡單分法，由於支共點玩都贏，就算係西方社會，對於緬甸都係唔想理，用制裁封鎖隔離就算（反而部分政治零分既人居然會覺得侵連任既話會出兵）。而同日本比較熟絡（日本係緬甸來講係除左支共以外另外一個主要玩家）既台灣民進黨，對緬甸都係無表態，反而係國民黨jer住要民進黨支持昂山素姬。係呢個情況之下，香港最好就係唔好介入緬甸既任何政治衝突，反正無論邊面，最需要爭取既對象，都係香港既敵人。#give#dog

冷血d講，當初緬甸民主派高調表態支持香港國安法，宜家被軍隊用國安法鎮壓，係屬於因果報應，由呢個角度來講，緬甸人既慘況完全係自己做成，緬甸人無一個係無辜。[369][369]