魚蛋論的傳承

[匿名者]

餐廳有一大兩小坐我隔離座
見兩個細路為咗搶一部電話打機而係到嘈
一個投訴隔離嗰個打多咗一舖機
最後同行嘅大人以沒收電話，大家都無得玩去結束呢個回合
當然餐飯係食得好安靜，但兩個細路就嬲嬲豬又唔敢出聲

係街都見到唔少呢啲情況，大人為咗停止小朋友爭執而行使沒收嘅權力，美其名為公平
原來大家都無就叫做公平
植根呢種思維長大嘅細路，又點會去諗如果當初老母有多部電話，一人一部咪大家開開心心安安落落食完餐飯囉
你睇啲有錢仔有幾可係講我無佢都唔可以有，通常都係講佢有我都要有

但現實邊有咁多有錢人，可能將來遇到同樣情況我都會好似個老母咁

不過呢刻如果我係蝕咗舖機嘅細路，我會搶咗部電話然後dump爛佢，三個人都唔開心先喺最公平