無力感好重 做乜都提唔起勁

[匿名者]

我好鐘意買零食，好鐘意打機
但我發現依半年都提唔起勁
以前我買零食係買到個個都會制止我
但係我依家可以空手走返出去

返工返到好攰
到公司樓下就有種想逃避嘅感覺
結果諗到要生活，嘆個大氣就上office

近依兩個月，有個好瘋狂嘅想法
搭緊的士果陣，好有衝動想起佢高速移動時打開車門跳出去

好多地方想去，但好多地方都無去/去唔到
唔想個回憶咁多空白位，但奈何就真係空白

已經唔記得對上一次自己由心笑出嚟係幾時嘅事
好似只係做緊一個”人地想我變成嘅樣”
而唔係”真係我想變成嘅樣”
返工返到依個又要討好，果個又要討好
到頭來無人討好自己
或者係我根本唔知自己想點，無主見，先隨波逐流

依啲係咪叫做生無可戀？