莫熾韜同我入一入黎，屠龍有野想同你講

[匿名者]

https://t.me/dragonslayerbrigade/101

大家好，我係屠龍Edward

見今日赤口，等我都出下聲。

莫熾韜 Max Mok，人稱細Max。

由上年8月份我已經開始留意依個人。我當初留意佢係因為佢既所屬組織vhktsa入面其中一個IG post話要率領國際，成為國際線最強後勤。我本人就咁睇既，我未聽過有任何一個組織話自己係最強，又率領國際。我睇完真係嚇左一跳，然之後得啖笑。

之後我都有留意依一個人。根據加山篇報導，佢話自己係 「勇武」。以我所知，佢係Poly一役之後先由澳洲返香港。但係咁，Poly後因為武肺同前線流失，街頭抗爭已經少之有少，唔通同流浮山啲刀手一樣，得個講字？Ig個post又講自己率領乜乜乜，我真係唔知佢係咪識分身😂

咁當然啦，正所謂兄弟爬山各自努力，你鐘意點吹噓自己，我都唔會打算去理你。但我係近依一個月聽到好多關於佢既消息。

第一，佢話被澳港聯割席，但係Max從來唔係澳港聯既一份子。澳洲國會2020年中邀請澳港聯出席一個有關Magnitsky Act既網上公聽會。澳港聯就邀請Max一齊出席，佢從來冇成為過澳港聯發言人，最多只係用一個澳洲籍香港人身份發言。再講，佢係入面只有一次發言，內容係香港學生點樣係澳洲被支那學生騷擾，然後其他野都係由澳港聯既人講，想問點解加山會形容佢為「香港的代言人」？

第二，佢咁樣大肆報道，話國安放走一個危險人物。首先，佢係香港既時間從未被標籤為「危險人物」。佢係因為澳洲媒體既一篇報導，先被國安點名。篇報導出街個陣佢已經返左黎澳洲，點樣國安走漏眼？再講，你真係走難既，有需要咁高調？

第三係我個人觀感。我睇完佢係報道入面講佢屋企人果part,我就知道依個人做事可以不擇手段，相信有部分既手足，自己家庭既政治立場都未必一樣，但咁樣講自己屋企人既我真係第一次見。

第四，亦係我主要發聲既原因。佢話自己又係勇武又率領國際咁，決定要係澳洲參選議員。你參選議員，我都好支持你。但唔該你唔好將唔屬於你既光環強加落自己到，再去成就你既野心。你唔好當咁多人懵先得嫁。仲有個報道講好多人識羅冠聰，張崑陽等等既人，無人識依個阿max，其實都係好正常。人地係有做事，所以有知名度，先有人去訪問佢。正如我地一樣，我地唔會做完個訪問先去做勇武架嘛？

我唔想咁多手足所付出過既血、汗同前途，成就依啲咁既人。不過我都相信，大家既眼睛係雪亮，唔會比依啲人坐享其成。希望莫熾韜好自為之，我地距離唔係好遠嫁咋。

私人加多句，地厚天高張Poster，唔係將你做過既少少野無限放大，咁就扮得黎架。😉

By Edward

—————————————————
Website:
http://www.rsinternationals.com/
Facebook:

https://www.facebook.com/RSInternational-106544101050232/

Instagram:
https://instagram.com/_rs.international

Telegram:
https://t.me/dragonslayerbrigade
#rsinternational