品蔥係輸出緊革命冇錯，不過唔係向牆內輸出，而係向港台反共勢力輸出

[匿名者]

[代友貼] 品蔥真係輸出革命既聖地

• 分享自 LIHKG 討論區
  https://lih.kg/2175605

倫仔: https://lihkg.com/profile/263143

我係廣州人，我支持香港反送中

• 分享自 LIHKG 討論區
  https://lih.kg/1250415

唔算土生土長嘅深圳本地人，不过识得講白話，細過時候自己睇電視學嘅（TVB同亞視lol）

倫仔

立申：品蔥人路過，有限權限管理員同大中華膠一名

多謝巴打對品蔥嘅總結，但係你有幾個觀點我唔係好認同。第一，關於品蔥嘅主要立場，品蔥唔係大中華膠佔據主流嘅論壇，主頁嘅關於認同分裂、港獨、台獨嘅貼佔據四成以上，大中華主題方面最多都係聯邦制，唔係你所講嘅大中華膠強制說服港人、台灣人接受中國認同。其實有支持大中華派或者民主中國嘅用戶（比如講我就係），但係品蔥主流係傾向支持香港台灣脫離中共統治。第二，關於品蔥行動力低下，討論、抽水為主係冇錯嘅，因為絕大多數生活係大陸嘅品蔥用戶時時刻刻面臨被查水表嘅風險，而且一旦被捉到佢地要付出嘅代價係一啲都唔低於各位手足被黑警拉，有時候極端案例可能有過之而無不及，作為了解中共嘅網絡審查同監視有所了解嘅人一啲都唔出奇。品蔥要加強如何提升自己嘅行動力。其實品蔥做出嘅野都唔少，文宣同捐款行動，不瞞自己吹水本人組織過一次對香港人抗爭嘅捐款 https://pincong.rocks/article/6838 ，可能可以做到嘅野唔多唔代表我啲冇做。而且我本人多次為香港本土傾向主義者聲援同解釋 https://pincong.rocks/question/27573 。第三，一個論壇上唔同觀點個人一起辯論好正常，係品蔥唔存在一方嘗試去改變另一方，只有個人用戶想去說服同改變其他人嘅行為，品蔥本身只針對五毛同惡意人身攻擊。就算我係大中華膠我都誤會嘗試會改變其他人想獨立嘅諗法，我嘅希望就係大家係彼此理解下搵清楚真正嘅敵人並諗辦法與其對抗。

https://pincong.rocks/article/6838
https://pincong.rocks/question/27573

https://pincong.rocks/people/微笑的單車男

---

代友回

//回應返巴打既質疑：

1. 我冇統計過品蔥既中華膠比例，純粹想指出中華膠對正常討論既干擾，特別係獨派手足成日落嗒同佢哋嘈。事實上，呢個問題同比例冇直接關係，因為即使只有一成中華膠搞亂檔而其他人不斷俾回應（不論正負）嘅時候，干擾目的已經達成。正如對五毛最好嘅應對方法係無視由佢沉，而唔係大戰三百回合。

2. 正如頂樓列舉，中華膠引戰唔一定著眼於獨統問題，近至港台人既身份認同問題，遠至對牆外戰線排中策略既攻擊，都可以拗餐飽。一句總結：中華膠只會以中國人既短期利益為首要 / 唯一考慮因素，一有衝突即刻歸邊。
   最大嘅問題係，呢啲問題好多時一早已經有人開po討論，但每隔一段時間就會強迫性重複論調（雙方都有）。我認為根源係舊用家習慣性重複個人立場申述，而新用家又唔爬文就亂開po，歸根究底就係雙方無法理解但又想說服對方，結果就係沒完沒了原地打轉。

例子一：
A派重覆過往問題：
https://pincong.rocks/question/30467
B派出於自衛心理反擊：
https://pincong.rocks/question/30630

例子二：
「Anglosphere」蓬佩奥的“分开战略”貌似已朝着很快要画句号的方向前进 - 新·品葱

可能係南蒙事件洗版影響，A po已經洗得好後。如果呢個係獨派同分裂派手足既集體成果，請繼續用呢個策略👍
可能既話連B po都唔使出，同行動無關而本地人已經達成共識既事，冇必要俾任何反應，最多提醒佢爬文做功課。
另外，想食花生嘅巴絲可以入第二個例子圍觀排中派點俾中華膠圍攻，同埋香港人點樣慘被中國人 lol

3. 我唔係想妖魔化品蔥，叫手足完全放棄。事實上，品蔥依然係目前為止最有價值既中國戰線，起碼比Twitter更有能力聚到分裂派先。但如果不停舊調重彈冇新嘅內容出現既話，咁既論壇可以話係廢左武功。手足要學識分辨邊啲人值得花時間拉攏，邊類人要學識無視。搵到武器，都要知道力度放喺邊。

4. 首先多謝巴打嘗試帶本土聲音去品蔥🙏
   關於行動力問題，我唔係第一個講起：除咗捐錢同上街勇武之外，牆內人有冇第三個可行既抗爭方法？可以參考呢兩個偏本土既Po:
   牆內光復粵語：https://pincong.rocks/article/21525
   香港簡明史：https://pincong.rocks/article/16407
   科普都係有意義嘅文宣工作，哪怕開po介紹一本政治啟蒙書，都比強迫性嘈交嚟得有價值。
   如果巴打做緊恆常性牆內文宣，不妨定期開專po報告策略同牆內反應，大家學到野之餘同時可以 brainstorm idea，效果好既話自然多人跟機。畢竟低調唔代表你冇做嘢，但人哋一定唔會知你做過咩嘢。

5. 海納百川固然係論壇嘅基本功用，但如果一個論壇連基礎共識都要拗餐飽既話，咁佢永遠只會係一個論壇。連登上年可以突破同溫層，先決條件係形成同溫層在先，先至有能力對外輸出影響。連最基本「中國人」定義都拗左成年雙方依然互不相讓就要考慮分家，至少要達成互不干涉既默契，先有可能做到「兄弟爬山，各自努力」。

巴打如果嫌大中華膠個朵唔好聽，不妨用牆內派牆外派嚟分。民主中國唔可以單靠外部勢力推動，歸根到底始終要做好牆內啟蒙工作。我尊重巴打希望建立一個民主中國既宏願，勸你哋專注返牆內文宣工作，而唔係格硬connect牆外 / 干預牆外戰術。反中策略之所以成功，唔係因為我哋有幾努力，而係因為中國人乞人憎。等有朝一日你哋成功改善中國人形象，全球反中情緒自然會降溫。相對地，獨派亦唔應該喺統派做文宣嗰陣走埋去潑冷水。只要專注圍爐各自輸出就得，切忌互相開火。

最後講多次：
開po唔係希望品蔥admin做嘢處理或者單純踩低大中華主義者，而係想尋求解決方案，點樣喺已知兩派無法有效溝通、路線對立嘅掣肘下，盡可能connect有用既盟友，同其他派別求同存異，減少無謂嘅戰力損耗，增加輸出攻擊力。

多謝各位留手🙏
//

---

首先，關於A派重複過往問題，呢個係冇辦法避免嘅，因爲品蔥一直都有新人入黎明，佢地過黎嘅人好多都係受以前教育影響會提問類似身份認同嘅諗法，可能作爲一直瀏覽相關話題嘅人黎講，你可以一直重複睇到類似話題，但係呢種現象品蔥冇辦法改變，你唔可以阻止抱有同樣諗法嘅新人黎左重問一個已經存在嘅話題。最多只可以左到唔挖墳（將已經好耐之前嘅話題刻意重新推到首頁）。而且關於你認爲大中華膠“只會”以中國人既短期利益爲首要/唯一考慮因素，我覺得你既朋友講一個群體簡單化，中華膠中唔排除有呢種現實主義既人，但係也都有理想分子同埋站係香港人立場去思考問題既人，目前黎睇品蔥既大中華膠既提問大體上都係想了解港人、台人對於身份認同觀點而提問，以交流爲主冇存在單方面改變他人立場嘅行爲，如果有相關不友善既言論我地管理人會出手干預。第二，關於“B派自衛心理反擊”，你既友人指既係po主定係其他答主？我唔係好明。因爲呢個po主，據我了解，佢係台灣人，不過對兩岸關係抱有溫和態度多地，而且佢既問題唔似係反擊（反擊係反邊個？），更多係討論問題爲主。而佢既提問下既回答大部分都係質疑漢民族係血緣維持而係文化概念或者呢個概念係後天人造既民族論。
例子二，任何論壇既post冇可能一直係前排，唔存在有群體人爲去咁洗先至沉底（品蔥關於主題係冇個人用戶人爲干預既功能，除非管理員出手將佢地移到水區，如果po主不滿話題移到水區佢地會申訴），A po係被新話題取代。而且如果唔係五毛、墻内中共觀點既話題點解需要特登去踩降？有人鍾意就關注回應，冇人感興趣自然就會降，就像我之前講既，只有有人特登去挖超過3個月以上既話題先至於被管理員干涉。

關於本土派唔鍾意被“中國人”代表我表示理解，不過如果你地覺得唔爽歡迎提出觀點反擊，係品蔥既用戶裏面一定有人去支持你地既，呢個你可以大可放心。
關於3，你想凝聚分裂派歡迎，但係品蔥呢個平臺唔係單單只有一個聲音，而且我處於自己既立場，自然係希望大家團結對抗中共爲主，正因爲要防止論壇停止不前，要維持多元話題但又唔可以失去平衡，大中華膠要有，本土分裂派也都要有，中立溫和派也都要有，唯獨唔需要既係五毛打手同惡言相嚮者。
關於4，好慙愧同埋好可惜，品蔥一直係一個墻内”網絡難民“集中地，雖然成立左2年以來嘗試去改變網絡難民營既性質，但係成效唔大。大部分人係因爲無法係墻内論壇理性、自由討論而走路到品蔥，而且有人已經綫下被請公安拉過並警告，要佢地像民主地區既人去上街風險成本大過佢地既行動意願。佢地黎品蔥主要就係：1.宣泄墻内被禁言既不滿，所以觀點立場比較偏激 2.了解墻外消息並做出相應規避風險 3.有條件去聲援抵抗運動。有人嘗試係綫下組織文宣，衆所周知同埋現實既慘痛經驗都反應出中共係有天眼、GFW、網絡追蹤你既上網痕跡外加有網警潛伏，而且品蔥主張强調用戶個人安全爲主，所以墻内人行動力真係冇太大動力。中共導致既上街成本過高，就連内蒙古抗爭事件之後，大部分上街既人開始遭到面部識別通緝。内地既抗爭環境惡化係因爲遭遇當局既高科技追捕審查，而且由來已久，香港嘅老大哥時代係宜家啱啱開始。
關於5，品蔥而家就係强調和而不同，各自爬山。但係想唔想爬山就睇個人量力而行。至少我已經超脫出理論而係真正去“爬山”（捐款、反送中期間海外訂購物資支援香港巴打、同身邊人介紹解釋香港人點解要抗爭同埋參加海外大學既游行示威），但係我無法因此而去睇唔起其他尚係停留係觀望狀態既人，人與人既情況唔同，有人有家庭、生存等等顧慮。啓蒙運動一直有做，但係如果想圖快，應該可以考慮其他戰綫如telegram同twitter等。
我個人黎講大中華膠呢個名稱冇乜所謂，因爲“膠”先至堅持到而加，目前品蔥最大公約值就係“反共”同“搏生路”，呢個需要時間。