香港個本土文化，壞咗呀！

[匿名者]

唔知幾時開始，Mirror十二人多咗個朵，叫「本土文化人」。有咗呢個稱號之後，Mirror由某電視台用嚟做show嘅男團，突然變咗做任重而道遠嘅香港文化代表，彷彿唔識、無興趣知、唔睇唔支持呢班友，就係對香港文化嘅踐踏。

哦。

BTS著全身白色西裝，登台亞州音樂盛事MA MA，台下fans揮動印有由兩個長方形組成嘅BTS logo宣傳品，高呼應援...在場嘅人都話：個氣氛high到爆；另一邊廂，Mirror同樣著全身白色西裝，登台鑽石山荷里活廣場，後面塊backdrop有個同樣由兩個長方形組成嘅發光logo，令人以為係某電競品牌嘅宣傳廣告...在場啲人不禁問：呢班友high大咗？

原來，抄kpop抄到半桶水嘅偽韓男團，都會有班人會話呢個就叫香港本土。唔怪得班韓仔日日講全世界嘅文化，都源自韓國。

不過有人會話，香港開埠以來，都係東拼西湊啲文化元素，嚟造就出香港獨有本土特色，好似西多士、菠蘿包、中英夾雜嘅香港粵語等等。都係嘅，十二個Mirror成員，個個都剪個中五mk髮型，造型上都好「本土」，重要係講廣東話，咁都唔叫「本土文化人」？

我相信任何歸類標籤，都要有套檢驗標準，否則個標籤係毫無意義。那樣2019年後，咩人先稱得上「本土人」？梁繼平當年話，痛苦共同體係本土意識嘅基礎，我覺得幾有道理。能夠感受到香港主流民眾痛苦嘅根源，分享到我哋悲痛嘅情緒，同香港人有情緒連結嘅，嗰個人大概就係一個「本土人」。

喺自由之夏期間重玩抖音，國安法立咗之後代言要放棄年輕人、打壓星火嘅品牌... Mirror呢班人共同承受咗香港人嘅痛，你知我知。

「本土文化人」，嘿嘿，屌你啦。

---

大家記得去做任！