梁振英斥李文浩「點計OT」論喪盡天良 呼籲全城聲討

[匿名者]

李文浩於昨日在個人FB專頁發帖表示：「究竟ot係計撈返上水嗰一下? 定係計跌落去嗰下先？如果計跌落海嗰下，佢未即刻死，都叫做執緊勤。但如果計撈返上嚟嗰一下，咁你下年都未搵到，咁咪好襟計。公帑嚟嘅，計清楚好啲。」

李文浩續稱：「跌落水全城歡呼係事實，冇得強迫人唔開心㗎喎，睇街坊民情就可以知道，幾多人想睇住佢哋死。仲有，啱啱跌落水嘅時候唔敢出post慶祝，驚唔小心燈到佢自己爬返上水，而家就可以啦。我開心冇犯法喇嘛，冇事我返出去幫你計ot喇喎。」

全國政協副主席、前特首梁振英在個人FB專頁上載李文浩言論截圖，並附上李文浩去年3月在區議員辦公室所張貼的「藍絲與狗不得內進」標語爭議節錄。梁振英呼籲：「全城聲討喪盡天良的李文浩，嚴正要求李文浩道歉並撤回有關言論。」

團體香港政研會亦發帖，表示就李文浩在全民傷痛之際，發表涉嫌違反國安法、煽動仇警言論。該會認為已經有充分證據，並將派出代表，向警務處作出正式舉報，敦請警方嚴正徹查，將違法者繩之於法。

李文浩今日中午於FB專頁再發帖，回應香港政研會言論。他稱，過去已先後被香港政研會舉報兩次，但之後都不了了之，認為「今次睇嚟都係冇料到㗎咋喎」。