覺唔覺香港係一個對年輕人充滿敵意嘅社會

[匿名者]

好簡單從衣食住行講起
年輕人剛剛出社會就要面對好多問題

住就肯定冇，私人空間係香港係奢侈品
租屋冇政策規管業主可以不斷加租，業主見你後生覺得你搵到錢仲會加多兩錢重。
上車無父幹都好難。

食同行係必要開支，但只會愈嚟愈貴。仲要住得遠每日翻工追車逼車，每朝係巴士地鐵見到嘅人都係了無生氣，行屍走肉咁。

仲要每個月交家用，我自己好彩屋企人自己搵到錢唔洗我交，每個月象徵式交少少。但唔少人都要交唔少錢俾屋企當洗費。

而政府對年輕人嘅福利基本上係冇，乜春津貼呀資助呀通通都冇。

2019年之後更甚，好似成個社會都對年青人加多咗戒心、敵意。我自己差唔多每次出街都會俾龜竇，仲要查袋。

結果就夾咗係中間，不斷咁付出勞力，但同收穫唔成正比。
我自己已經冇諗拍拖結婚了，係香港呢個社會只會愈嚟愈大壓力，不如諗下每日lunch食咩好過。