VPN 大踢爆 + Review！ NordVPN 有𠾶𡆀？ExpressVPN 紅底？Surfshark 快靚正？

[匿名者]

VPN 大踢爆 + Review！ NordVPN 有𠾶𡆀？ExpressVPN 紅底？Surfshark 快靚正？

• 分享自 LIHKG 討論區
  https://lih.kg/gyvzKS

國安處封網 港人將「有幸」體驗有中國特色的網路自由？裝定 VPN 為上策！

自 2019 年反修例運動，面對香港之時代革命，港共政權壓迫港人手段層出不窮，赤色陰霾籠罩香江，港人自由不斷收窄。近日不斷傳出消息，香港編年史網站被部分網絡供應商封鎖。此舉相信乃港共為引進有中國特色，能有效維護國家安全的言論自由的最新行為。

同時，我們亦看見Facebook 與 Twitter 不遣餘力地打壓以特朗普為首的保守派勢力。而 Facebook 以及其位於大陸的內容審核（維穩）中心亦經常迫害持本土反共立場的網媒與facebook 專頁，手段「推陳出新」，禁言有之，禁其帖文出現於用戶newsfeed有之，以至放任網軍大舉騷擾，然後刪除專頁，亦常有之。我們不會天真到相信香港以至美國的商業組織面對中共政權會有任何腰骨可言，面對土共封鎖，港人只有沉著應對，見招拆招，裝番個VPN保障網絡安全和自由。VPN 有兩大用途。第一，加密數據，隱藏網上活動，避免受網絡監控。第二，隱藏IP address，其實即係等於保護番你嘅屋企地址。

以下為上年小弟上年於Facebook 刊登的VPN 大踢爆+ Review，經過update，望能提供些許有用資訊！

Perfect Privacy —— 速度快但較貴/Unlimited Device 方便同friend 夾/ 私隱較有保障/功能多

• Swiss-based- 瑞士法例對個人私隱嘅保障非常充足，規定公司必須公開如何使用顧客個人資料，再加上 Perfect Privacy 部分關於 VPN 技術操作嘅部門於巴拿馬註冊，顧客私隱以及網絡信息都受充分保障。
• Zero-logging policy- 確保你用 VPN 果陣佢 server 唔會紀錄你嘅 log-in 嘅資料同時間，所有server 嘅connection 都冇個人資料，即使政府搶鬼左佢個server，佢要查你都唔會查到。
• RAM-disk server，依樣非常重要，佢 host VPN 嘅server 係用RAM disk，所以資料唔會留底，只要一斷電，所有資料都recover唔度。值得留意嘅係依個feature 坊間比較少見。
• 額外功能，確保你嘅 internet connection 真正安全，包括muilti-hopping，即係一次過幫你reroute 四個唔同地方嘅server，加強track 你IP 嘅難度，同埋有kill switch，當你 VPN connection 甩咗就幫你熄咗個internet connection，依樣非常重要，因為有時 VPN 可能突然會有error ，跟住connection 可能會斷左，如果冇kill switch 即刻block internet connection，咁你個 IP 就會暴露，咁就bye bye。同埋面對硬性封網，VPN traffic 都比土共block 9 埋果陣用嘅 Stealth VPN

———————————-
Surfshark—— 性價比最高/ 功能多 + 快/ 真心jeng

• Surfshark 依家做緊優惠，兩年方案做緊一個月大嘅十蚊港紙，抵到爛，就算一年方案都係四十蚊一個月。
• 功能好多，有kill switch ，有muilti-hopping，有ad-blocking，亦都同樣有zero-logging policy。
• 速度幾快，根據官網，server 數量都超過1040 個，頭三十日可以退款。
• Surfshark 有經過第三方audit，同埋係 British Virgin Islands based，果度嘅政府亦唔會要求企業收集同上繳用戶資訊。
  —————————-

NordVPN ——抵玩之選/廣告budget高同行幾倍/幕後公司Tesonet有𠾶𡆀

• 幾多連登巴打推薦、價錢幾便，基本功能齊備，可以用黎登入其他國家嘅Netflix。
• 速度正常，日常使用冇問題，server 數量超過 5700 個，透過分流可保證速度唔會受爆server 影響
• zero-logging policy
• 但係佢嘅server 唔係用RAM disk，係用一般可以recover資料嘅 hard disk
• 幕後公司為大型 data-mining 公司 Tesonet ，所以佢嘅安全性同對客戶網絡資料嘅保障性存疑。Data-mining 基本上就係透過不同技術收集同整理各種資料，包裝成唔同嘅package 賣比需要大數據嘅公司，基本上data-mining 同VPN，一個就挖資料，一個就係負責加密同保護客戶資料，有嚴重利益衝突
• 關於Tesonet 同Nord 嘅關係比較複雜，好多資料性嘅嘢，相信有睇開FT 或者其他報章有關大陸紅色家族代理人、股權個啲報導就會明當中嘅錯綜複雜。今次就簡單講下
• 根據資料，NordVPN 嘅developer, trademark 登記人, app signature 公司 同payment processor 都同Tesonet 嘅持有人, co-founder 同CEO 有關，NordVPN 嘅持有人亦都同Tesonet 有千絲萬縷嘅關係，而部分高層人士亦都有洗黑錢紀錄。
• 如有其他選擇，建議各位唔好用，冇必要冒險
  —————————
  ProtonVPN —- Limited Device/ 曾發言撐香港
• Swiss-based、功能正常，限device，同friend夾會比較麻煩
• 有埋加密電郵，不過建議用Autistici 私隱保護較好
  —————————
  Private Internet Access —— 母公司為 adware（即係電腦病毒） 供應商
• 速度正常，價錢正常，二十幾蚊一個月，zero-logging policy，US-based。考慮到母公司，corporate governance 同安全性存疑。有其他更穩陣選擇。
• PIA 可以話係一間充滿問題嘅公司，之前CEO係Mark Karpeles 一個有詐騙前科嘅人，跟住就再比 Kape Technologies (之前較叫Crossrider，同時亦擁有Cyberghost 同 Zenmate) 收購。
• Kape Technologies 基本上專整adware。由一間放毒公司持有，其實都幾難說服人佢係唔受母公司影響，唔會威脅用戶網絡安全，就好似抖音華為同話自己冇受大陸干預咁。
  ——————————
  ExpressVPN
  眾所鳩知係紅底，唔講了。用緊嘅自求多福。

結論：建議使用Surfshark/ Perfect Privacy

希望大家幫手推一推，正個評，等更多人睇到！