試圖話香港依塊地唔係構成香港人身份認同嘅人只會令香港民族消失

[匿名者]

試圖話香港依塊地唔係構成香港人身份認同嘅人只會令香港民族消失

• 分享自 LIHKG 討論區
  https://lih.kg/2845790

【新立會】袁弓夷提案：取名為「香港人立法會」　取消「海外」二字
https://lih.kg/2845602

• 分享自 LIHKG 討論區

其實都唔至一次聽到依啲言論，一直都以為唔多人講，但令次竟然連袁弓夷都講出口，噉就冇得忍，因為冇人知會唔會因為噉而有人聽佢講，當然最好就冇人聽佢鳩噏，但以防萬一，都係話畀大家聽依種思想有幾危險先好啲。

以下言論都建基於你支持香港獨立、認為香港人指香港民族，香港民族唔應再受任何外人統治，不論支外

民族係啲咩？
構成民族可以有好多因素，例如文化、語言、宗教信仰、歷史、政治制度等等，但絕大多數民族一開頭都有個必要因素-土地。一定程度嘅土地分離就會產生到民族出嚟。所以我哋會有祖地嘅講法，塊地係祖先留到而家，所以要守護佢，因為塊地構成咗依班人噉多年嚟嘅歷史回憶。

冇土地嘅民族會點
我諗大家都聽過猶太人可以二千年後仲返到去以色列，先唔講而家佢做過啲咩，但佢哋的確值得學習。佢哋其實都有一段時間已經冇咗返去耶路撒冷嘅念頭，係之後有人提出錫安主義先記得返（好似係），而最後佢哋都返返去以色列。噉吉卜賽人又點呢？佢哋係一個民族，但冇對祖地嘅期望，所以一直都做流浪民族。波蘭人都有唔少因為遭受逼害而出走外國，但佢哋好多都冇返返去波蘭，因為佢哋已經放棄咗波蘭依塊地。

祖土有幾重要？
一塊獨立土地好容易構成新嘅族群，依個族群可能由唔同人聚成，但因為佢哋一齊居住咗一段長時間，所以對塊地有感情，亦會因此去保護佢，因為佢係自己唯一擁有嘅土地。如果依班人再都唔愛依塊地，就冇嘢凝聚到佢哋，你可能會話文化呢？語言呢？但依啲都係喺依塊地所演變出嚟，你放棄塊地你嘅文化、語言都會因而改變

點解去到外國仲要強調自己係海外香港人？
因為你要加海外，令自己同睇到嘅人仲記得自己係留喺海外，佢哋唔會忘記香港依塊地，仲對香港依塊地有留戀。只要佢哋仲愛住依塊地，佢哋就好難忘記自己香港人嘅身份。

文化都可以做到啦？
可惜你依啲文化都喺依塊地出嚟，點解你覺得可以脫離到塊地？

但去到海外移埋民囉喎，唔係要融入咩？
噉你就唔係香港民族，我亦都唔建議你仲掛住香港人依個身份，就好似連登都會笑支那攞外國護照話自己愛（支）國一樣。一係你就純粹用佢嚟留喺外國，你嘅目標都係返去香港，噉你就可以繼續用香港人依個身份。支那人有樣值得參考就係佢哋無論攞咗幾多年外國護照，唔喺支那幾多年，但都會照樣支持支那，仲要有唔少係真心嗰隻。

你用土地去分人哋個香港人身份？憑咩？
你諗下如果有班人未去過香港，唔關心香港依塊地畀正式支那入侵發生咩事，淨係幫香港人，又話自己愛香港，你會點諗？如果你覺得正常噉我哋唔啱key，亦希望似你噉諗嘅人可以越嚟越少

話香港塊地唔重要請諗下自己點解會反送中，點解要去遊行食狗棍食煙畀人𣺉藍水，香港淨係指香港人嘅話點解唔乾脆走路移民呢？點解要出嚟行出嚟畀人打？你敢唔敢喺班衝完畀人拉咗嘅人面前講依番話？

sorry for 1999

希𨑳大家唔好放棄香港依塊地，冇佢我哋香港人就會變成單純嘅英國人、美國人、加拿大人或者澳洲人，而唔係英藉香港人、美藉香港人

推，香港人要愛香港

如果大家支持香港獨立就唔可能抽離香港依塊地，所以如果大家放棄塊地就等於你放棄香港獨立