點解要講功能同藍圖呢，因為最大問題係大家連點解要有流亡政府 / 議會都未知

[匿名者]

點解要講功能同藍圖呢，因為最大問題係大家連點解要有流亡政府 / 議會都未知，所以一個清晰既藍圖去對證下藥，長遠部署好重要。

即係依家如果你要搞，最少有幾個問題要處理同有人要做研究：

1. 整個香港民族面對既困難 (無國際話語權、無得發聲)
2. 無一個屬於香港人既命運共同實體
3. 海內外香港人共同面對既困難 (洗腦教育、第四權消失、文化被消滅、失去討論空間、資源分散重叠、脫港者去到異地失去身份，適應問題 etc)
4. 國際線既困難 (冇法統基礎、冇民意授權、可以推動行動既人少 (不能存續)，組織之間擁有既遊說資源唔流通)
5. 兄弟爬山，但爬山既方向模糊，綱領唔清晰 (其實有香港約章，但民意基礎唔清晰，亦唔知點解要填，雖然我自己填左但遊說其它人填有困難，好可惜)

咁成立流亡政府，下面可以有呢D功能，可以解決上面既問題：

1a. 重組翻抗爭時期既民間記者會，響港共之外有第二把聲音代表香港人
1b. 一個正式代表香港民族國際話語權既組織會出現，國際線唔再係國際「遊說」，而係代表香港人去爭取香港治權、香港人權問題既國際外交

2. 將香港命運共同體變成一個實體既組織、綱領同系統，團結成個民族，並且有系統咁將整個意志同綱領存續

3a. 香港陷入軍政府同全面殖民管治已經兩年，教育、第四權、文化消失，每一樣野都要有專業既手足重新建構翻需要既工具，同倡導工民社會去對抗中共既破壞

3b. 過往支撐香港論述行動既工具 (連登、TG) 基本上已經全部廢晒武功，有需要有一個平台將集體智慧結合 (請睇台灣唐鳳講點解要投資「公民基礎設施」同台灣點樣用「公民、政府、私部門」去行「與民協力」去運作一個無政府主義既政府，適當調整後係非常適合無大台既香港用)
[有興趣請睇 #94 https://lih.kg/bgnBzLV]

3c. 同埋資源上可以將唔同組織整合，建立一個大家共享數據既平台、同埋可以睇下可唔可以令唔同既組織互相協作 synergy 增加整體效率

3d. 另外好多脫港者都需要唔同類型既行政支持，例如香港公民身份既問題，又例如去到異地點解決基本既語言、工作 etc，呢D都需要行政機構去解決，要有藍圖同方案點樣整合資源轉介去唔同既組織幫手足，不分派別都需要提供支援令大家唔再單打獨鬥

4. 基本重複 123，不過當流亡政府設立後，可以嘗試建立智庫 / 協助轉介手足加入外地既智庫，盡快組織一個屬於集體力量同實力既組織響國際論述層面去對抗中共 (當中可以包括左通訊層面既阻截、論述層面上既對抗、制造遊說武器比國際線、甚至嘗試令粵語文化成為華人既主流都可以係方向 etc，總之好多野可以做)

5. 當民選議會、法統都有。可以建立屬於香港人既約章 [綱領]，做一D鼓舞既演說，令我地更明白香港人未放棄，亦無需要放棄去矚望未來，有乜野 milestone 需要突破 (戴高樂《六一八宣言》)，有乜野層面既野可以做、點解要做，有乜效果 etc

不過大家要記得做任何野都冇即時效果，任何既論述都需要講佢長遠既作用 (否則只會被白蟻無限用「短期工具理性」去否定所有野)，特別係 5 既香港約章 / 綱領，因為當香港徹底斷網，呢份野會離線保存響海內外香港手足到成為大家堅持既目標。

[同埋唔好再拎舊事出黎講，香港國破家亡真係無派別可言，全部都係「被打壓派」只可以選做「光復香港派」。#kill#pig]

---

另外要講，當香港人有自己既流亡政府，香港會出現乜事呢？

中共會對流亡政府：

1. 分化
2. 抹黑
3. 被定性恐怖組織
4. 襲擊甚至暗殺

香港內部會發生乜事呢？

1. 斷網 (資訊徹底斷裂)
2. 鎖香港關
3. 大量人因宣傳、協助、聯絡被捕，對香港人實施「清黨」
4. 依法暴政下，部份人付上自由甚至性命
5. 會有大量輿論將矛頭指向多事既海外手足

---

咁我會確定幾樣野係流亡政府/議會建立後面盡快做 (比成立下屬機構 / 功能需要更早完成)：

1. 建立有效既後備通訊渠道 instead of 互聯網 (捍衛海內外公眾知情權、令手足有充足資訊作判斷)
2. 建立大家必須共同長期堅守既約章、格言、信念、綱領 etc
3. 定立共同體象徵性既信物 - 歌、徽章、旗、口號 (考慮呢d野難以保存，可以係其它野，例如「摺紙」「圖案」etc )
4. 建立共同既底線同行動原則，達致應對某些可預見情況既道德底線同共識 (e.g. 斷網可能發生，需要短波收音機 etc、大規模拘捕、連坐、強迫篤灰可能發生，到時海內外手足可以點做 etc )

當然仲有部分野可以做 (e.g. 可以funding 成立 Nazi Hunter 追查所有逼害過香港人既仆街同蒐證、追查失蹤手足令佢地既消失唔可以變得不明不白、軍事上可以有 猿人行動 去證明港共唔係無敵etc ) 再講真係變恐怖組織，手足自行意會

【新立會】袁弓夷提案：取名為「香港人立法會」　取消「海外」二字

• 分享自 LIHKG 討論區
  https://lih.kg/bgsKngV