王力宏 蕾神之鎚 五毛之亂（上）

[匿名者]

https://martinoei.com/article/34990/王力宏-蕾神之鎚-五毛之亂（上）

王力宏 蕾神之鎚 五毛之亂（上）

Posted on 2022-01-132022-01-13 by martinoei 黃世澤

王力宏 派五毛上嚟，由於手法太粗糙，粗到連我呢個專打五毛嘅方丈都惹埋，本來就好多人反感。但依家李靚蕾又出 蕾神之鎚 ，直接公開果啲五毛單據。清官難審家庭事，但有人用到五毛搞事，甚至搞事搞到連Google Search Result都亂搞一通，如果去到呢個田地，我真係無得唔出手評論呢件事。

蕾神之鎚 打擊五毛

首先，喺網上出現垃圾戶口同垃圾留言，並唔係純粹係王力宏造假產業鏈嘅一部分，其實以我所知，Google Search Result嘅人為造假至係最大問題，你記得我之前文章講隊冧立場、蘋果嘅原因，以至劉正、健吾呢啲敗類喺Facebook製造Traffic嘅原因，李靚蕾指王力宏派水軍，或者五毛，佢個Keyword Search Result排名，絕對可以睇得出中國人嘅惡劣行為。

而且有一點係重要，Google中國涉嫌喺Search Result度俾王力宏亂搞，點解我咁講，呢個又係出動 Apple Pencil嘅時間。

我用Private Mode喺iPad做Search，我暫時未有Telekom嘅VPN，首先，呢個有兩個問題：

1. 點解王力宏水軍，第一條出係李靚蕾都有買水軍，仲要係四個鐘前嘅文，所以我有理由相信，呢個有人買Result，三立嘅Website唔係特別快。
2. 點解王力宏、水軍兩個Keyword，出都係指李靚蕾有水軍，顛倒是非黑白。
3. 仲有，最重要嘅Post，即係Instagram 李靚蕾嘅Post去咗邊，如果咁樣人間蒸發，就一定係不合常理。

跟住，如果用李靚蕾、水軍嚟Search，你會見到類似荒謬嘅事

好喇，有兩個問題出現：

1. 李靚蕾嘅Instagram呢？一個有 137000 likes 嘅Post，居然無出現喺 Google 嘅Search Engine
2. 點解頭四個Results，大部分都係針對李靚蕾？如果唔係 蕾神之鎚 ，有埋Instagram嘅數據參照，我都唔係咁容易反映出，Google Search Results點樣被中國人搞到人唔似人，鬼唔似鬼。
3. 點解一個叫Ipls嘅論壇，擺明係中國嘅論壇，個Result可以擺到咁前。

作為一個搞SEO嘅人，我覺得 Google 中國有部分人行為實在猥瑣得令人反胃，所以我依家唔當王力宏事件係一單娛樂新聞，相反，呢個係一次重要機會，幫手拆穿依家網絡嘅一啲亂象，特別係Google同Facebook兩間公司有份包庇嘅現象。而除咗假戶口，依家Google懷疑收咗水可以亂咁排Result前後次序，係成件事最大問題。如果有明確價目表還好，問題係成件事根本係無價目表嘅，而好多人都以為Google嘅搜尋結果真係誠實可靠。

其實呢個Results排名，亦解釋到點解YouTube成日Recommend你睇巴士的報、中天呢啲垃圾，呢啲垃圾內容，中國又係掟咗好多錢出嚟，我相信係有人將個Recommendations都攞去賣嘅結果，爭在幾時李靚蕾搵到相關請款單（即係香港講Invoice，或者德國講嘅Rechnung），然後又爆出嚟。但如果爆埋出嚟，我諗 蕾神之鎚 嘅打擊力，唔只係純粹王力宏呢條白痴仔嘅娛樂事業咁簡單，而係我哋應該點樣看待Search Engine呢件事。已經唔係純粹Privacy遭到出賣嘅咁簡單，而係搜尋引擎如果會因錢誤導公眾嘅話，呢個公器係唔係仲適合由私人機構把持，就係一個必須思考嘅問題。

但有一點係重要，就係Search Engine係不能盡信，我做得越耐SEO，就越發現盲目相信Search Engine嘅危險性，特別Search Engine並唔係真係全部由機器主導，而係有個別人可以編輯成個Index果陣，你諗吓會造成幾大誤導問題。所以呢次 蕾神之鎚 事件，係可以令大家睇到依家Internet被中國人搞到亂七八糟嘅情況。當然，我下一部分會講網絡水軍，即係五毛黨，我覺得Facebook根本應該採取行動針對王力宏個戶口，Facebook根本無做過嘢就係。