清理熱普城與-港獨

[匿名者]

https://martinoei.com/article/29982/清理熱普城與-港獨

作為一個早喺中學時代已經支持 港獨 嘅人，反對依家 港獨 聽過有啲奇怪，但我都係果句，係反對依家就跟黃碌撚同佢啲弟子搞所謂港獨，但過咗歸英期後，經過清理後香港人再決定走向，就睇當時的形勢。但依家就港獨後果，我睇番第三世界國家嘅獨立史，後果係災難。

港獨 唔可以俾啲人渣領導

喺世界上，大部分用革命嚟達致獨立嘅國家，得一個走向成功真正民主自由，果個叫美國，好多國家嘅獨立宣言都係抄美國，但憲法嘅執行同草擬就唔抄美國，大家都知道結果係乜，就係一個又一個failed state出現，依家搞出大量問題。相反，未經革命，或只係經少量革命由英國統治過渡獨立，無論澳洲、加拿大、愛爾蘭、馬耳他，甚至新加坡，都係相當成功嘅國家，咁多個國家中，得新加坡嘅民主係半桶水，而英國呢種過渡手段下成功獨立嘅國家，依家有三個係歐盟成員國，包括馬耳他、愛爾蘭同塞浦路斯。

當然有一個失敗例子，就係津巴布韋，但原因係當年英國太急於將羅德西亞交番俾黑人，留咗喺當地一年就走咗，結果出咗事，如果英國維持喺羅德西亞嘅統治至少三十年，或者情況好一啲，依家津巴布韋變咗個地獄，真係令人神傷。

所以大家要人人都有安樂茶飯，定係黃毓民或類似人物，好似韓國瑜咁騎劫個城市，答案係好清楚，所以我睇法十分之明確，係黃毓民或其徒子徒孫未被清理妥當前，香港只能歸英脫中，不能獨立，依家尋求獨立等於你甘願被一班賊打劫，你只不過由一個火坑跳入另一個火坑。

當然你或者會懷疑英國有無能力去執行清理香港瘀血嘅重任，我都有啲擔心，只不過其實清理香港瘀血，好大機會係美國借英國嘅手去做，乜大家唔係好想美國做香港嘅真正睇場嘅咩，如果係歸英，真正嘅後盾好大機會係美國加歐盟，但如果獨立，你被黃碌撚及其殘渣去睇場，你睇香港會唔會變咗俄佬管治下嘅克里米亞，呢班所謂教主根本一直係中共嘅走狗，否則點會連自己嘅身份都唔肯披露。跟住依家浮上水嘅陳家駒、鍾翰林，唔好意思，你哋係依家同碌撚反咗面，可惜思想上仍然係黃碌撚果套。

如何解殖唔會變獨裁國家，呢個係好多研究後殖嘅人一直思考嘅問題，非洲有幾多國家喺革命後變咗垃圾國家，俾啲垃圾獨裁者搞到國家人唔似人，香港人必須接受一點，黃毓民呢條友留低大量思想垃圾，出自佢系統嘅人，都必須喺政壇清理乾淨，香港至具備獨立最基本條件，否則寧願歸英一段時間，或者我講嘢好難聽，但如果追求香港真正獨立係你真心目標，咁唔該忍受一段時間英國統治，甚至自治領時代，等黃碌撚教壞果啲細路死得七七八八，再平心靜氣討論呢個問題。