蕭生：有啲完全不負責任嘅人話叫人打針就係幫特區政府，你死咗去啦你！

[匿名者]

https://www.youtube.com/watch?v=t6C8KzGUMpk&t=932

嗱，去到呢度，我認真同大家講講，我同大家講幾樣嘢：

第一，宜家全世界政府都要人打針，就唔係剩係香港政府逼人哋打針。嗰啲無謂嘅人呢就講陰謀論：『嘩~ 打針有益啊~ 喂，政府講嘢... 』你都戇居嘅！你都白痴嘅！歐美政府啊，個個都叫人哋打針啊。有啲完全不負責任嘅人，就話呢，叫人打針呢就係幫特區政府，你死咗去啦你！

美國政府歐洲政府係咪幫中國做嘢啊? 全世界冇一個政府唔哀求人打針。蔡英文係喺度哀求台灣人打。第一點。

第二點，我講清楚俾你聽。當初，打頭兩針，係可以令到你唔染，你唔會染病，但係個病毒係會變遷吖嘛。後來，出咗Delta病毒呢，打第三針就可以將Delta病毒撳咗落去。點不知就出咗Omicron。

出咗Omicron呢，佢就可以繞過嗰套免疫系統，因為，佢完全喺上呼吸。因為嗰套針呢，多數保護個肺，等你呢，唔會重病。咁所以，個病發率係咁犀利。但因為喺上呼吸管道呢，佢落唔到去呢，所以個重症率就比較細，但係染嘅基數好多。如果你唔打針呢，嗰啲人依然係好大鑊。

我依家講一次成件事俾大家聽，第一，話依個針冇經過第三期實驗呢，係錯嘅。第三期已經完全過哂，美國FDA係fully approved BioNTech同埋依個Moderna係永久長期使用，係正式被批准。佢不單止係經過臨床測試，亦都係經過幾十億人打過，証明冇副作用。

話呢啲針有副作用嘅，我再一次講，有幾個，有幾個香港依啲人，包括齊阿哥、大肥、升旗易得道，一定要向YouTube投訴你。因為YouTube同Facebook全世界social media都話，散播依啲misinformation，話打針無益，依啲人係會被ban嘅，依啲account。佢哋唔識聽你講廣東話啫。呢個係害死人嘅嘢嚟㗎

第二，個副作用我答你兩個問題。一個就係，所謂長期，冇經過長期測試，由有針，開始測試到宜家，係2019年到宜家，已經係兩年。

呢個針發展得咁快係因為科技進步，以前要六、七年，因為科技慢，其實都係差唔多嘅嘢，都係經過咁多測試。十年廿年後有咩事，你依家任何藥啊，都冇嘢試過十年廿年㗎啦，你任何新藥都唔使食啦。喺學理上叫causation，宜家呢種藥呢，只不過係令你引起一種免疫反應，並冇任何理由，係有長期嘅副作用。

如果任何藥，你都可以話，依隻藥發明咗兩年咋喎，我唔知... 知唔知50年後有冇副作用呢? 依個係廢話嚟嘅，從來冇一隻疫苗係咁多人打過嘅！而個副作用係非常之清楚！明白未啊？呢個係。

每個國家，由自由民主國家，到極權國家。因為宜家科學咁進步，我講過俾你聽英國NHS，係用二千萬人，跟蹤二千萬人得到嘅結果。

好，我講副作用。第一，打針，最危險嘅副作用係過敏性反應。你坐喺度，即係等於俾蜂針到，你可以令到你抖唔到氣因死亡，其實就係咁解。依種係一種過敏性休克，九成九係喺頭半個鐘頭出現嘅，所以你打完針坐喺度等半個鐘頭。

第二，打針會引起嘅副作用叫多發性神經炎，你明唔明啊? 咁呢個呢，就係好多時喺脊髓度出現，但係呢，呢個呢，係可以被醫療嘅。依隻藥呢，依啲疫苗呢，並冇出現大量嘅多發性神經炎。

第三，你會發燒，會呢個肌肉酸痛，呢啲係正常嘅副作用。因為，你身體嘅免疫能力對抗呢個病毒，就等如你感染咗發炎，你係咪會有依啲病徵啊? 淨係(正因為)有呢啲病徵先能夠建立你嘅免疫能力

第四，真正有，喂，觀察得好犀利，打mRNA疫苗，佢有一樣嘅副作用，係可能對你有危險嘅，就叫做心包炎或者係心肌炎，通常都係後生嘅男仔有嘅。十萬個人有一個，就係咁大嘅風險。於是，但係呢，三個死一個，即係平(均)兩個救得番，三個至四個死一個。三四十萬人呢，就有一個人呢你打針係冒呢個風險，依啲統計數字係非常之清楚嘅

如果你打腺病毒疫苗，即係阿斯特捷利康，同埋Johnson & Johnson呢，就會點呢，係女仔，呢次係啲後生女仔係可能有血生栓，都係十零廿萬人有一個

好喇，其他，打完針14日28日死咗咁就點呢? 喂，嗰個嘢因為大動脈爆裂，或者心臟病死咗，關打針咩事啊? 日日都有人死。你要將佢擺返落去背景度，就等餘，你打咗針，出街俾車撞死咗係咪賴打針呀? 你要將呢啲人死亡嘅頻率，同埋成個社會作一個比較。

香港每日，每年有五萬幾人死，有萬幾人係猝死嘅，即係唔喺醫院久病而死嘅。即係話，所有人都有呢個機會，個統計數字係話畀你聽，冇打針嘅人係死得多過打咗針嘅人，個機會係。

散播呢啲misinformation，係完全無知嘅人，同無知嘅人講。

今日Omicron病毒，打好咗針，感染嘅機會少三分一。依個係英國NHS計出嚟嘅數字。三個同樣接觸同樣嘅病毒，如果冇打針嘅，三個人染到。打咗針，就一個都會染到，但係打針嘅人多吖嘛，你明唔明啊? 因為已經打到八、九成吖嘛。咁所以咪打針嘅人染病多啲囉，因為打針嘅人多好多吖嘛，呢個係。

然後，入醫院，同埋死亡，係1:9，好清楚。打咗針，亦都係會入醫院死亡。十萬人入面，依度幾多個，冇打針嘅係九倍。

周圍散播依啲misinformation！
我依家就俾以色列嘅數你睇下。
亂噏！

以色列，彈到，因為打到咁多針，五、六萬人係死幾十人啫。邊個話以色列嘅死亡人數激增啊? 而且仲喺度減少緊，宜家。從來都冇超過100人，以色列死亡嘅人。喂，六萬人呀，死唔到100人呀，就因為打咁多針。以色列係有非常詳細嘅information，而喺連登，就全部，不負責任地，講呢啲咁樣嘅misinformation，傳依啲misinformation

你睇下，以色列，我已經俾咗個圖表你睇，嗰個係，宜家以色列講點樣增加重症保護力。喂，以色列係為咗呃你去打針啊？吓？為咗去賣針啊？賣針啊，係得兩三間公司賺大錢咋全世界，三間公司，其他藥廠，你估傻㗎？政府你估傻㗎？就係BioNTech, Moderna同科興三間公司發咗達。科興背後係軟銀，我話畀你聽，SoftBank投資咗落去。

呢兩間公司，就算係BioNTech同Moderna賺咗啲，但喺世界公司裡好細，佢哋係微不足道，比起呢啲蘋果公司，幾百億美金嘅公司，蘋果係三萬億美金嘅公司。邊個會為呢啲公司服務啊，你唔好咁白痴先，為咗疫苗公司服務。真係白痴冇得救。

唔睇official嘅news，喺連登傳播呢啲咁嘅misinformation。我警告嗰三條友。你再講呢啲misinformation呢，你個account將會喺YouTube永遠被ban，我話你聽。

老年人接種第四針，四十萬個60歲以上一月接種咗第四針。亂噏話打咗第四針死嘅人多咗，然後呢就quote一言半語嗰啲report，唔放成份報告，亂咁send呢啲information！

接種咗第四針，係比接種第三針嘅人抵抗力增加咗兩倍。如果同打咗兩劑嚟講呢，係減低咗十倍，死亡率減低咗90%。六十歲以上嘅重症率減少咗18倍，所以有第三針就立即打。香港政府冚家剷要半年先俾人打第三針，我老婆輪到12號有得打喇，我就打咗喇，我話畀你聽。台灣呢，個個都打哂喇。台灣打到30%人喇，第三針。

40歲至50(59)歲嘅族群，重症率係少22倍！你有重症率呢，你就有後遺症！long Covid可能呢，你嘅陽具係會縮短咗嘅，其中一個後遺症係。

美國CDC估計第三劑會提升接種者喺Omicron變種病毒上嘅保護力... 聽清楚呀！唔係中國政府講㗎，美國CDC呀，你信唔信科學㗎？呢個係全世界嘅共識嚟㗎，打針嘅保護力係。你班人，即係信地球係平嘅一樣咁白痴！