[認知作戰] 武肺明明由始至終都係一場人禍，好多人白白無左條命，偏偏比某班人描繪為「物競天擇」將政權既荒謬怪眾他人

SeVen
登入後回覆
  • 匿名者

    [認知作戰] 武肺明明由始至終都係一場人禍，好多人白白無左條命，偏偏比某班人描繪為「物競天擇」將政權既荒謬怪眾他人

    我上兩篇文 https://lih.kg/2888518 同 https://lih.kg/2884367 已經踢爆過中共一直係通過訊息戰，去減低防疫戒心籍此擴大感染，以防疫作為理據去鎮壓香港，同時以此為議題分化並改造香港，而更可怕既係呢個過程入面會有無辜既人因此而喪生。

    無獨有偶，五毛僱傭兵響我兩篇文之後已經微調左佢地既論述，佢地會用數據強調每年肺炎、流感死既人比現時武肺死既個案更加多，所以武肺既散播並唔可怕，香港人並唔需要防疫，因此任何「防疫達至共存」或者「應對防疫」既措施同論述全部都係政府既幫兇，強調香港人應該放低恐懼盡快共存實現「物競天擇」。

    上面呢個論述睇落好有邏輯，但其實係屌你老母 ON79：

    (1) 武肺由始至終都係一場人禍，明明依家死既人本身可以因為做好應對策略而避免死，點解佢地要死？點解佢地要比中共同港共玩？點解無啦啦要比人掉去「俄羅斯輪盤」？

    (2) 肺炎、流感死亡數仲多所以就唔洗防疫？依家講緊死既人係另外一條感染鏈造成既大規模感染同額外既傷亡，請問同上面兩者有乜關系？點解唔拎埋心臟病、中風同武肺比較？

    (3) 下面係香港每年車禍死既人數，點解唔係一直上升而係響高峰之後下降？因為死亡可以因為改進同改善而避免，依家武肺已經去到第三年仲出現醫療系統崩潰係人禍，點解明明可以避免，但香港人要玩「俄羅斯輪盤」？

    (4) 全世界既防疫策略從來都唔係捉人玩「俄羅斯輪盤」，而係通過打針產生「群體免疫」最終達至共存，同時爭取時間開發口服藥去醫治無辦法打針既人，最終根治

    (5) 港共死都唔會比你共存，係因為中共要用防疫做籍口鎮壓香港。因為依家港共擺明把口就「清零」，但不停行政手段去擴大感染，叫人排隊強檢，出出入入強檢就係要擴大社區感染，然後再用一大堆認知作戰阻止你地達成「群體免疫」永遠達成唔到共存，對中共黎講最好死一批人方便佢販賣恩情

    (6) 因此叫人防疫不單唔係中共鎮壓既幫兇，相反係叫香港人響殺人政權既體制外自救，做好防疫、帶口罩、打針，追究幾時入口服藥都唔係幫助鎮壓，而係香港人「自行」脫離 ON9 既清零體制

    依家擺明係港共玩九香港人，然後再搵班認知作戰同你講香港人死係「物競天擇」而唔係港共人為造成。

    命、身體、健康都係你自己，唔好比港共呃九你去玩「俄羅斯輪盤」

    做好防疫、減低傷亡，
    達成共存、走出鎮壓。

    四樣都缺一不可！！！

    延伸閱讀：

    [認知作戰] 港共如何通過資訊混亂，利用疫情鎮壓香港？咪撚再跟港共劇本分化打唔打針，盡快產生與病毒共存既共識
    https://lih.kg/2888518

    [以疫謀霸] 港共唔係抗疫垃圾，而係中共要用疫情改造香港社會，「以疫謀霸」下香港必須做既兩件事
    https://lih.kg/2884367

    [資訊戰爭] 由台灣國防智庫既「討論區輿情研究報告」，了解 中共 / 港共 滲透與分化連登既蛛絲馬跡、分化策略與實踐方式
    https://lih.kg/2732504

    [社會潰散] 為何鄧炳強強調「可反對政府，但不可反動」？解讀中共「維穩思維」了解港共「香港原子化」改造工程
    https://lih.kg/2720681

    達成共存有唔同方法，有「打針達成共存」，亦有「唔打針達成共存」，但如果條友兩樣都唔係，而係「反對打針達成共存」，而從來唔講點樣「唔打針達成共存」既 roadmap，例如狙擊港共點解唔買口服藥，咁呢類淨係攻擊抹黑其它人，刻意提高感染，永遠無解決方法，永遠唔講點達成共存，阻止醫療系統崩潰既就一定係認知作戰

    0 :   0 0