俄羅斯情報部門評估「皮已收」特工匿名信屌柒普京

封信除咗屌柒俄羅斯，仲講咗幾樣嘢：

一、聯邦安全局(FSB)已經肯撚定夏季會有全球糧食問題。因為烏克蘭同俄羅斯係糧食供應大國。

二、FSB內部一直被告知：普京絕對唔會全面入侵烏克蘭，只係為談判而威嚇。
所以班細寫報告「交功課」，吹到開戰一定無問題。點知最後真係打。
西方制裁，成個克里姆林宮呆撚咗，就係因為無人知會打。

三、前線指揮亂到仆街，第3日開始不斷有唔同部隊失去通信。
幾多俄兵陣亡、被俘，由前線到總部都無數字，內部鳩估陣亡數係2000到一萬之間。

四、閃電戰失敗。原本預期三日佔領基輔，迫令烏克蘭軍投降。
依家烏克蘭抵抗太強，俄軍無足夠兵力佔領烏克蘭全境（內部推算要50萬兵）。
大規模動員進軍烏克蘭會大敗，第一有機會引發內亂，第二補給線唔可能維持到。
建立親俄政權都好難，一旦撤軍，傀儡就會被推翻。

五、內部估計俄羅斯經濟只可以將戰爭維持到 6 月。

六、對外情報局(SVR)已經做緊嘢，準備指責烏克蘭秘密製造核武材料，以正當化俄羅斯使用戰術核武器。
但佢確認「核決策」係有多級指揮鏈，基本上肯定去到某一層，就會有人違抗普京用核彈滅世嘅命令。

七、承認2014年俄羅斯支持烏東嘅頓巴斯戰爭，係為佔領克里米亞轉移視線，用頓巴斯嚟討價還價。
佢同班同僚最驚係普京照板煮碗，又製造新危機博下過唔過到骨。

八、土耳其切斷咗敘利亞同俄羅斯之間嘅供應，內部擔心阿薩德得唔到俄羅斯支持，有倒台危機。

Twitter有做情報分析嘅人估計封信內容大部份係堅，而且假扮嘅話都唔會寫到水蛇春咁長，因為講得愈多愈易穿煲。
不過都有機會係俄方特登寫到八分真，嚟sell嗰兩分假，包括否認曾計劃刺殺澤連斯基。

支持台灣獨立，肢解中華民國，終結大中華種族主義
SeVen • 台灣獨立 • 匿名者 • 0 1 973