[烏奸港奸] 海外議會、聯合聲明、香港建國：烏克蘭與香港，誰是中共安插於香港抗爭陣營的「穆拉耶夫」？

SeVen
登入後回覆
  • 匿名者

    [烏奸港奸] 海外議會、聯合聲明、香港建國：烏克蘭與香港，誰是中共安插於香港抗爭陣營的「穆拉耶夫」？

    TL;DR：

    1. 好多人都知，烏克蘭情勢緊張，早幾個星期英國政府發表一份題為《克裡姆林宮在烏克蘭安置親俄領導人計劃》既聲明

    2. 英國外相卓慧思響聲明中指出，俄羅斯試圖用親莫斯科政府去取代現有既烏克蘭政府，呢份報告除左反映左俄羅斯顛覆烏克蘭既程度外，亦同時亦令外界洞察左克裡姆林宮既手法

      英國公開指控俄羅斯欲在基輔扶植親俄政權
      https://www.rfi.fr/tw/歐洲/20220123-英國公開指控俄羅斯欲在基輔扶植親俄政權

    3. 有趣既係，被英國政府點名既 穆拉耶夫 既政治取態並唔係「親俄」路線，而係一條「既不親歐，亦不親俄」，強調客觀理性，以烏克蘭利益為上，採中立兩邊都唔支持既路線，成功響烏克蘭議會取得席位。

    4. 雖然 穆拉耶夫 表面強調客觀理性、獨立思考、行利益為上既中立主義，但往往觀點同俄羅斯立場與及行動一致，又拋棄烏克蘭話，用俄語公開講話，另外又建立屬於佢呢個「中立陣營」既電視網絡，大幅提升左佢既知名度，甚至成為下屆烏克蘭大選既前 10 既熱門候選人。

    5. 穆拉耶夫 被點名後就反駁自己早幾年已經比俄羅斯禁止入境，同時佢既家族生意亦早被中共凍結，強調大家唔好「捉鬼」，克里姆林宮亦發聲明否認，批評英國政府既聲明係無稽之談。

      誰是「穆拉耶夫」？
      https://www.reuters.com/world/who-is-yevhen-murayev-named-by-britain-kremlins-pick-lead-ukraine-2022-01-23/

    6. 而呢種滲透顛覆推翻既手法並非俄羅斯首次使用，2014 年俄羅斯併吞克里米亞前夕，就大量動利用媒體、Social Network、KOL、收買政客、安插情治系統，響當地產生輿論與及「歸俄」民粹，最終響兵不血刃下，以迅雷不及掩耳既情況下無血開城，公投「歸俄」，成功併吞克里米亞。

      俄羅斯對克里米亞大打資訊戰爭，滲透國家：
      https://www.theguardian.com/world/2014/mar/17/crimea-crisis-russia-propaganda-media

      最終成功產生「歸俄」民粹，成功策動公投取得民意「歸俄」：
      https://www.bbc.com/zhongwen/trad/world/2014/03/140306_ukraine_reject_crimea

    7. 事實上 共產黨/獨裁者 安插白蟻響「白區」進行滲透並唔罕見，香港由過往既英式民官體系，逐漸由武官系統滲透取代成為今日幹部體系既軍政府就係香港人最熟識既例子。最終中共成功利用《基本法》第十八條既憲法漏動建立《國安法》，全面架空整個三權政府與及基本法，兵不血刃下成功響香港實施政變，民主派被肅清，香港人被貶為二等民族，軍管戒嚴狀態進入第三年。

      隨住抗爭之火熄滅，記憶、灰燼隨風而逝，香港好可能被世人所遺忘。當棄港保台成為可見現實，香港民族下一步可以點做？
      https://lih.kg/2781904

    8. 現時英美陣營對香港人唯一既保障仍然係 (1) 基於響《基本法》之上、響聯合國備案、無法被《國安法》架空既《中英聯合聲明》入面，對香港人權既承諾與及大量建基於聯合聲明訂定既法例 (e.g.《Hong Kong Act 1985》、《United States-Hong Kong Policy Act of 1992》，與及 (2) 現時西方世界仍然留響香港既利益，但上述兩者任一被破壞，香港都必然會被西方拋棄陷入孤立無援當中，併吞並進入全面「新疆化」。

    9. 但對中共黎講更重要既唔係香港既安危，而係美中貿易戰進入第四年、恆大爆煲，中共外匯陷於嚴重枯竭，國家陷入嚴重財政壓力之中，中共有既兩道選項：一、直接武統台灣、孤立日韓，控制世界供應鏈續命；二、完全併吞香港，取得香港大量既外匯儲備續命，再作打算。

    富可敵國既香港外匯儲備：

    1. 十萬億基建、北部都會計劃全部都只係用香港儲備換成一D根本唔值錢建材既掩眼法，將香港人辛苦得黎既成果全數收割既籍口。但點解中共現時仍然需要通過立法會排期作橡皮圖章式既審議，而無辦法直接取得香港外匯儲備救亡呢？全因為《中英聯合聲明》強調香港必須保持財政獨立，而且中央人民政府唔可以向香港特別行政區徵稅，因此中共只能借各種籍口、計劃去抽調港府既資金。

    2. 然而恆大爆煲，中共既外匯壓力已經迫在眉睫，佢必須為終極併吞香港尋找出口，而最佳既方式就係參考俄羅斯併吞克里米亞既模式，通過建立公投獲取民意授權，為中共製造動用基本法第十八條響香港立即實施全國性法律既籍口，實現終極併吞香港。

      全國人民代表大會常務委員會決定宣布戰爭狀態或因香港特別行政區內發生香港特別行政區政府不能控制的危及國家統一或安全的動亂而決定香港特別行政區進入緊急狀態，中央人民政府可發布命令將有關全國性法律在香港特別行政區實施。

    《基本法》- 第十八條

    1. 而方法有三：一、主動或被動下發動台海/南海戰爭，並宣布香港進入戰爭狀態，併吞香港，但成本巨大係下下下策；二、利用超高壓管治，產生不滿制造動亂，宣布進入緊急狀態，併吞香港，正由「港共政府」執行；三、制造公投獲取民意授權推動宣布香港獨立，響危害國家統一下，宣布進入緊急狀態，併吞香港，正由「香港穆拉耶夫」執行。

    2. 「香港穆拉耶夫 (袁弓夷)」會不停曲讀香港歷史，協助中共進行扭曲歷史既 misinformation，用意係孤立香港與民主陣營之間既聯系 [e.g.1. 英國人唔比民主既主因係中共武力威脅，而唔係英國人唔比 / e.g.2. 提及沒有三腳櫈，但就唔提係中方鄧小平提出，相反反覆強調中英聯合出賣香港 ... etc] ，強調香港多次被西方出賣卻隻字不提正確史觀。

    3. 「香港穆拉耶夫 (升旗易得道)」協助散佈香港抗爭其實係中西對抗之間既一場「熱戰」/「工具」，實際上除左帶有中西雙方平衡既暗示外，亦係嘗試將香港推向中立、有將香港由民主陣營中孤立出黎既意圖。佢會同你講香港係中西之間既犧牲品，係中西之間既人質，係中西之間既武器/一張牌，而唔係呢場角力既最前線，相反西方既國際法係約束緊香港自立，因此必須廢除。

    4. 「香港穆拉耶夫 (容樂其/無神論者的巴別塔/健吾/白兵)」想響意識形態上將香港拉向中西之間既灰色地帶，並且用反疫苗既認知作戰由香港內部對民主陣營產生孤立 (「反疫苗」成形之前佢地一直係 spread 「ATNA」同「拜vs侵」 https://lih.kg/2452445 )，具體策略係首先散播 (1) 西方疫苗策略並不民主、(2) 香港人追求民主既路上並唔需要唔民主既西方認同、加上西方有出賣香港既歷史，香港其實「既不親中，亦不親西」，再利用論述推動騎劫海外議會宣報「獨立」，最終結果中共可以響香港無國際法保障下觸發基本法第十八條入侵香港。

    5. 呢度可能有人會問，香港獨立唔好咩，交加街你係咪反港獨既左膠，我好撚肯定同你講我係 100% 攬炒派 + 獨派 (自己翻睇我 POST 講過 N 次核平北京 + 走資攬炒引發 WW3，戰爭後歸英再自決獨立建國 :o))，但絕對唔係短時間響香港無任何軍力、切斷外援下急於尋求獨立，甚至響中共即將彌留之際主動由香港人產生一個比中共併吞香港既機會，比佢用香港續命 :o)

    6. 可能有人話交加街你係咪蔡子強上身，所以咁反對香港人廢除《中英聯合聲明》，呢到必須強調蔡子強評論既背景同香港人應否廢除《中英聯合聲明》獨立建國既背景同本質係完全唔同，前者中抗爭者對抗既係港共既「依法暴政」，打壓下抗爭者並無唔反抗暴政既理由，但後者《聯合聲明》係保護香港既屏障，抗爭者廢除並唔係打破約束，而係拆毀保護自己既防衛 :o)

    7. 講一個簡單比喻：如果有人同你依家海外議會只要大家夠人夠票廢除《中英聯合聲明》香港就可以宣報獨立，呢個等於同你講「響抗爭充滿 TG 既現場，大家一齊爆衫除口罩就會贏」一樣，絕對係一個好似好熱血，但其實係無邏輯、魯莽到極點、不顧後果既謊言黎。而邊班人不停散報呢種論述，大家要睇清楚。

    8. 最後有關《中英聯合聲明》抗爭者既應有做法，去到呢個 WW3 台海戰爭好可能爆發既時刻，香港必須盡快組織專業團隊研究中共破壞《聯合聲明》下，英國/西方社會可以做/應該做既行動，而唔係孤立自己。呢到需要法律團隊研究國際法下一步可以點做，到底係

    (1) 中共武裝威脅下 void ab initio
    (2) 定係 breach 後要 remedial
    (3) 還是應該 revoke 交回英國+中華民國

    都係可以研究討論，但坐以待斃、守株待兔、等西方自己演譯就一定不可行+浪費時間，希望手足可以深入做一個詳細研究，比一個清晰既答案整個抗爭陣營同海外遊說團隊做遊說工具去推動西方行動 (唔係倡導)，盡快將香港問題放入台海戰爭/地緣政治既藍圖入面一併處理。

    1. 最後地理香港被中共併吞係響中共擴張既過程，與及中美交惡既世界局勢下根本不可能避免，但我地亦唔能夠因此作出魯莽既行動響台海戰爭發生前就自行打開窗口給予中共併吞香港既籍口。相反，我地應該準確認知及利用手上所有可以用既武器 (包括法律武器)，盡快作出行動，因為坐以待斃、守株待兔都係不可行。

    因為 #1 唔夠字數，最後寫多三點：

    A. 我絕對支持抗爭者搞海外議會 / 流亡政府呢個概念 (自己睇 https://lih.kg/bgsKngV) ，但小心有人制造論述騎劫，但其實係幫中共制造併吞香港既籍口。

    B. 最近兩個月不停出入醫院跟本出唔到文，本身呢篇上個月寫左一半諗左好耐應唔應該出同開名，但睇完著名五毛「連下四城 https://lih.kg/2691234 」呢個 post：https://lih.kg/2884108 ，發現其實近日用「谷針」 https://lih.kg/2878247 搞 cancel culture 攻擊其它人，同以前經常用「捉鬼」 https://lih.kg/2813356 、「賣樓」 https://lih.kg/2482268 搞 cancel culture 搞 612 再到今日中共安插「穆拉耶夫」騎劫海外議會，其實都係同一班人黎，呢班人係做乜，幫邊個做野，服務緊邊個心照啦。

    C. 我唔支持強制疫苗亦唔支持谷針，我只針對 misinformation 同 認知作戰。

    「烏克蘭穆拉耶夫」路線

    背景係比俄佬制裁既企業家 + KOL
    強調：烏克蘭應該中立，「既不親歐，亦不親俄」
    但其實係俄佬既間碟，將來入侵後既「中立」管治團隊

    「香港穆拉耶夫」路線

    背景係一班 KOL
    強調：香港應該自主，「既不親中，亦不親西」
    制造輿論同論述，騎劫海外議會宣報「獨立」
    協助中共制造基本法第十八條入侵香港既籍口
    入侵後既「海外議會」繼續流亡
    但地理香港會立即被吞併

    直接效果，習帝二十大唔洗打台灣已經有戰功，吞併香港吸收大量外匯成功幫中共續命

    有一點寫漏左：

    X.「中西對抗」係地緣、世界政治同利益問題，而「民主獨裁對抗」係意識形態問題，而對香港黎講「反修例」係「公義」同「良知」既問題

    Y. 因此香港問題本質唔係「中西對抗」既工具/牌，而係「民主 VS 獨裁」既最前線

    Z. 而中共故意將 SPREAD 香港係「中西對抗」既犧牲品/工具，實際同主要目的係減低香港抗爭者既「正當性」，並將香港由民主陣營拉到中立地帶

    呢一點必須留意同講清楚。

    星期二主張香港人應該用主權在民靠人民意志產生主權自主構成國家自立，又話國際法國際條約根本全世界 WFC。依家佢地路徑係：

    (1) 袁大炮 hijack 流亡政府，推動搞流亡議會，提出主權在民，無政治主張，大量吸唔同領域既人 endorse (許志峰、梁頌恆、鄭文傑已 endorse)，強調唔同光譜都可以參與

    (2) 星期二建立論述主張 hijack 流亡議會，強調用人民投票產生主權，所有國際法國際條約 WFC、《中英聯合聲明》唔洗理，最終只要夠人數就可以用流亡議會建立流亡政府自立立國

    依家袁大炮、星期二兩邊雖然好似各自搞緊唔同野，但事實兩套論述係合流，特別係兩個都話唔洗理《中英聯合聲明》，只要香港人想做乜都可以做，包括廢除《聯合聲明》自立。特別依家香港無左媒體，唔係有 follow 開袁大炮根本未必會知有流亡議會，但相反既係有聽既會參與，變相佢兩條友渣住自己支持者已經可以搞到所謂人民 endorse，有人想搞米已成炊，短期內幫中共制造事實港獨，打開基本法第十八條入侵香港既窗口，陷香港於不義。

    同埋比袁大炮星期二搞成左，習帝只要拎住收回香港就得，到時二十大可以唔洗搞台灣，留翻二十一大先搞，各位睇路。

    最後話《中英聯合聲明》無用既，唔該讀下 WW1 《一張廢紙》個演說先講野啦

    1. 「有人建立論述 hijack 海外議會，推動海外議會宣佈獨立，比中共立即吞併香港既籍口」係我觀察到既風向。

    2. 留意我從來無阻止過任何人提倡港獨，事實我都係港獨支持者，不過係歸英再民眾自決，而唔係依家就響香港孤立無援下獨立 (因為一旦觸及軍事問題，香港現階段無法自行解決)，個客觀事實係現階段冒進不旦無法獨立，更加係「直接打開缺口比中共入侵」。

    3. 香港人應唔應該參加加泰獨立集會既爭議同呢單野性質唔一樣，前者講緊會唔會失去激嬲西方失去支持，後者係香港人應唔應該自毀防衛機制，本質並唔相同

    4. 海外議會響西方世界代唔代表到香港人，同中共點睇 + 點應用呢個「海外議會」去執行佢既目標，係兩件獨立既事黎，唔應該混淆

    5. 呢個唔係外國政府認唔認港人海外議會問題，而係中共自己點定性海外議會宣布獨立既問題 (依家講緊白蟻推動公投，中共再用公投結果定性繼而入侵)

    6. 西方認為港人海外議會代表唔到，因此中共入侵後仍然有《聯合聲明》法理保障，你呢一點確實無錯，亦係我估算西方對中共啟用十八條後既反應，但果刻香港已經被實質佔領，就算西方幾支持香港短時間內都幫你唔到。

    7. 而西方佢地唔想負起責任而推諉可能係發展既事態 (因為無論如何都要等台海開戰，香港先有可能被解放)，但點都好，兩者邏輯上都唔構成今日香港人需要響無軍事實力下主動觸發第十八條比中共入侵香港既理據。

    8. 我好簡單，香港被佔領/入侵係一定不能避免 (令一個可能係台海戰爭)，但絕對唔應該由香港人自行主動觸發，特別係依家中共對香港外匯儲備虎視眈眈既時候，加埋呢到會再觸及到香港人響香港被佔領既歷史責任問題、同埋西方對香港聯系法理責任問題。

    0 :   0 0
  • 小鋼鋼又暴露智商

    https://h.2047.one/post/8799

    香港“建国”除了给解放军入港理由外毫无意义。

    https://h.2047.one/post/8812

    我絕對支持抗爭者搞海外議會 / 流亡政府呢個概念

    樓上看清楚。

    0 :   0 0