王喜、桑普 破壞香港海外族群嘅能量

[匿名者]

王喜、桑普 破壞香港海外族群嘅能量

• 分享自 LIHKG 討論區
  https://lih.kg/2954503

王喜係咪完全冇道理去投訴？唔係。

桑普要求難民法係咪得寸進尺？台灣的確「表裡不一」，佢哋叫流亡者回港續辦護照，旺角騷亂案李倩怡要長期非法逗留台灣，無法申請居留。

台灣真係冇香港人想象中咁支持香港。佢哋眼中，我哋只係「大陸移民」。
但正正因為咁樣，香港人更加要冷靜，息事寧人。咁樣唔係「奶台」，而係認清事實，人哋唔會無條件幫你。拗得贏證明人哋「虛偽」、「理虧」又點？輸嘅係香港海外族群。

海外族群要成長，要明白自己身處異地，爭拗係無助續存。你要推動難民法，只可以低調游說，而唔係大大聲話香港人要當地從政參軍。海外遇到不公平事，你要記得自己嘅「客人」身份，保持禮貌平和，以理服人，唔係將件事發大。

港人英詩冠軍 Eric Yip 講得直白，離散異地同「為陌生人含撚」冇太大分別。係，離開香港可以免受人身同思想嘅恐懼，但唔代表你文化上毋須妥協。人在異地，點先可以訴說香港人嘅故事？係要用人哋嘅「口音」去「翻譯」自己嘅故事。唔好將香港一套，直接套落人哋身上，無論你覺得自己幾有道理都好。

離開香港亦唔係 happily ever after ，係最需要忍耐、智慧嘅時期。 為自己又好，為整個香港民族都好。或者你嘅下一代將會落地生根，忘記香港，但我請你本人為整個離散族群著想，唔好做 crying baby。

同樣，請你視港人身份係你嘅資產，而唔係負累。

你本身作為移民第一代，你嘅移民身份係點都甩唔到。你地外地，你只一個唔完全了解當地嘅外人，你以為你英文好叻？其實絕大部份香港人再叻都唔係地道英文。

咁你嘅優勢係乜？就係你嘅「香港人身份」。我絕對唔係叫你用「香港移民」甚至所謂「難民」既身份去呃飲呃食，而係好好用「香港人身份」 differentiate 自己。Eric Yip 點解全國英詩冠軍，除左佢嘅文學能力，正正就係佢嘅「外來人視點」，帶來新意。

所以，真正融入當地社會、並且獲得當地人認同既方法係乜？用人哋嘅一套，講自己嘅故事。