蘇聯/俄羅斯太平洋艦隊旗艦 瓦良格號 遊記+介紹 （莫斯科號同型艦）

SeVen
登入後回覆
  • 匿名者

    蘇聯/俄羅斯太平洋艦隊旗艦 瓦良格號 遊記+介紹 （莫斯科號同型艦）

    話說上個禮拜莫斯科號畀人擊沉咗，見好多圖都係external view，啲報導嘅資訊又好多唔岩/殘缺/誤值。2017年瓦良格號嚟過香港，難得我上過去影咗唔少相，不如攞返出嚟介紹下呢型嘅船。
    最尾順便分析下莫斯科點沉（反正我一定唔信係俄羅斯人唔覺意整到起火）

    光榮級設計目的係因爲當年基洛夫級核動力導彈巡洋艦太貴，幾隻已經食走晒蘇聯海軍嘅預算。爲咗使少啲錢就設計一隻低level版嘅基洛夫，閹走啲嘢就成爲咗光榮級。
    蘇聯嘅艦艇設計同美國思路好唔同，蘇聯冇錢冇技術整咁多航空母艦，所以要利用導彈務求一擊打沉美國航空母艦先有機會贏。故此蘇聯嘅海軍艦艇好重視放重型導彈上去，開戰時儘快搵到美國航母，射晒啲導彈盡量炸到航空母艦就贏。
    即使係蘇聯少數嘅航空母艦，例如賣去支那嘅瓦良格/遼寧，當時都裝咗好多導彈發射器
    雖然美軍航母都有配置導彈，但佢哋係作爲航母防禦嘅一部分嘅防空飛彈，同蘇聯貨有好大分別。

    瓦良格（前稱紅色烏克蘭）建於1979年嘅尼古拉耶夫造船廠，喺烏克蘭科臣 (Kherson)附近，1989年加入蘇聯海軍，1990年配屬到太平洋艦隊。蘇聯解體之後俄羅斯冇錢養咁大嘅海軍，所以一直放喺度，直到2008年refit過再次入役。

    值得一提，由於太平洋艦隊面對嘅係日本、美國呢兩個海軍強國，所以瓦良格嘅裝備比起莫斯科好少少

    介紹下裝備先




    嗰日排咗好撚耐先至上到船，呢個角度睇都未必知嗰堆P-1000有幾大，上船就知

    前艦島

    上船係一條樓梯，上完樓梯第一樣嘢見到就係下面呢舊嘢

    話說呢個係咩嚟，我當年手賤摸咗成手都係機油

    嗰舊嘢後面就係S-300F


    B-204 八聯裝垂直發射器，係S-300F防空飛彈垂直發射器，S-300嘅海基版
    射程最大90公里，射高25公里，配合3R41火控雷達可以同時導引12枝導彈打6個目標
    光榮級總共有8個8聯裝發射器，共64枝飛彈
    以蘇聯年代嘅防空飛彈嚟講係好強嘅存在，當年甚至而家嘅美軍都要怕一怕佢


    MP-800雷達，70年代研發
    可以探測30公里高，380公里遠嘅目標
    缺點：太舊，探測得唔準
    所以就有MP-700雷達幫手

    兩者大概係互補關係，MP-700探測距離冇咁遠，但準確好多

    救生艇？

    煙霧發射器？

    S-300F嘅右邊係一個艦島，下面係燃氣引擎
    由於淨係見到個通風口所以冇影相，但係個風機唔太嘈，可能係因爲idle緊
    呢幾隻燃氣引擎可以將呢隻12000噸嘅船加速到34Knots (62km/h)
    引擎隔籬就係P-1000導彈，導彈下面有通道可以前往艦首

    陰暗嘅通道


    近睇嘅P-1000飛彈
    P-1000飛彈設計目標就係要一擊必殺美國航空母艦，巡航速度2馬赫(2400km/h)，射程700公里左右
    當年蘇聯嘅戰術係，發現美國航空母艦就一次過打晒所有/大多數嘅P-1000，自動導引，以低空飛行躲避雷達發現
    彈頭裝藥量高達一噸，只要有一粒成功擊中就好有可能擊沉所有艦艇
    又係嗰句，就係要一擊必殺
    呢枝導彈可以裝載核彈頭，爆炸當量等如350000噸嘅炸藥
    沉咗個莫斯科據稱有2枝係有核彈頭，唔知真定假



    喺船頭再望下呢兩枝P-1000，真係好撚誇張




    AK-130 高平兩用砲，130mm，每分鐘可以射10~40粒炮彈
    除咗可以用普通炮彈打陸地目標/船之外，亦可以用雷達fuse打飛機（笑


    AK-630 30mm近迫防禦炮，其實就係用機炮打爛粒飛彈嚟攔截
    每分鐘射4000粒彈，射程6km左右
    成隻船有6座AK-630


    唔知咩炮




    艦島

    其實當日唔係好多嘢睇，都係睇下啲係外面見到嘅嘢
    之不過上去睇過係好唔同

    當日有摺被軍上去睇，不過睇嘅嘢都係好似遊客咁多

    ============================================
    蘇聯嘅武器設計已經唔適合現代軍事發展
    現代反艦武器喺80年代左右先有雛形，70年代仲係講緊彈道導彈、普通巡航導彈
    邊有而家咁多「超音速低飛反艦導彈」？
    另一方面，蘇俄嘅電子真係好差好差，探測能力低、容易干擾
    烏克蘭嘅海王星比較進步（雖然同國際一流水準，例如雄風3、鷹擊12/18差距好大），可以喺海面十幾米飛行，以俄羅斯垃圾雷達嘅能力，呢枝飛彈就算探測到都可能以爲係海浪雜波而被ignore
    去到最尾幾公里近迫炮反應時間可能已經唔夠，就算有反應時間已經太遲，而AK630一直畀人質疑準確度夠唔夠

    最致命嘅一點係蘇聯軍艦其實好多都係武庫艦，成身密密麻麻都係彈藥武器
    16枝巨大兼裝藥量多嘅P-1000裸跑，冇任何有意義嘅裝甲防護不特止
    作爲一隻現代嘅巡洋艦竟然有潛艇/二戰巡洋艦嘅533(21吋)魚雷發射器...
    船頭已經裸跑，船尾仲有一堆魚雷喺度畀人打，以蘇聯魚雷嘅質素...可以邀請下庫爾斯克號討論下[sosad][sosad]
    主要問題係現代水面戰鬥魚雷到底有幾大用途，整多樣易爆嘅嘢畀人爆係咪真係一個好option呢？
    ====================================================
    Part 1 完

    個人覺得莫斯科號擊沉嘅戰鬥大概係咁：
    1. 莫斯科號喺開戰後一直用同一條航線沿著克里米亞~敖德薩~蛇島~克里米亞兜圈，航線、時間都十分固定。我唔知烏克蘭人係咪自己發現，即使唔係烏克蘭人發現，美國波蘭嗰堆係烏克蘭邊境~黑海嘅電偵機一定見到

    Source: Orion_Int @ Twitter，呢到淨係count有開transponder嘅電偵機，計埋冇開嘅、飛得太高唔使開嘅（U-2），一定更多

    2. 美國頭頂嘅衞星好多嘢睇

    高解像度一日過頂兩次嘅World View (Via Maxar @ Twitter)
    淨係光學，低解像度仲有一堆Dove/SuperDove、雷達衞星雖然少啲但都有唔少
    上面淨係講緊民用喎，軍用個啲...[sosad]

    Via Covert Shores @ Twitter

    簡單啲講，喺飛機、衞星嘅持續監視下，俄軍做啲咩去邊北約一定知
    美國已經認咗「提供情報畀烏克蘭」，自己諗（笑

    3. 烏克蘭利用新入役嘅海王星喺岸邊埋伏
    海王星其實係新嘢嚟，本身plan係3月裝備
    冇諗到打仗，本身以爲唔會再有裝備，不過一公開裝備就有戰果
    擺喺岸邊等莫斯科埋岸

    第三部完成後，伏擊莫斯科嘅圈套已經set好

    4. 利用土耳其研製嘅TB-2無人機引開莫斯科雷達嘅注意力
    RT係莫斯科沉沒前幾日post過片話莫斯科擊毀烏克蘭無人機，證明莫斯科係有能力detect到TB2呢啲細無人機
    莫斯科雷達系統最大嘅缺點係佢淨係可以偵察180度，剩低嘅180度偵察能力低下
    當烏克蘭用TB2引開雷達嘅時候，莫斯科就見唔到剩低嗰一邊。
    TB2裝備嘅炸彈好細冇可能對莫斯科造成任何危險，純粹做餌

    莫斯科中伏，第四步完成

    5. 烏克蘭發射海王星飛彈，2枚擊中莫斯科
    唔知烏克蘭總共射咗幾多，但打中2飛，海王星一枝得150kg炸藥，對咁大嘅軍艦其實効果好有限
    俄羅斯confirm一枝打中P-1000引發火警（爆炸）
    另外一支據路邊社話打中艦島
    頭先提到，P-1000裝藥量大又要裸跑，打中就真係爆炸
    以嗰個裝藥量，一定開撚咗個大窿，開始入水嘅同時應該順便炸死好多水兵

    6.由於開個窿實在太大冇得補，防水隔艙冇用，入水情況加劇
    呢個時候就應該要準備棄船
    由於入水情況加劇，船身開始傾側
    附近嘅俄軍艦艇已經即刻埋嚟幫手救人，救火、最好的話穩定船身，但好明顯已經冇用了

    Via Covert Shores @ Twitter

    7.沉lu
    由於黑海温度比較低，水溫大概得7度，如果啲水手冇救生艇的話好容易會失温
    莫斯科嘅電報員發出咗SOS，有土耳其軍艦過嚟撈水手，據報救起54人，俄羅斯其它船救起12~14人
    其它嘅一係係隻船炸死（包括艦長），一係凍死餵鯊魚 cc USS Indianapolis (CA-35)
    恭喜烏克蘭，而家烏克蘭擁有嘅光榮級數目多過俄羅斯了（烏克蘭有隻未完成嘅光榮級）
    屌，烏克蘭官煤仲話莫斯科彈藥爆炸但冇沉，邊撚有可能
    彈藥殉爆唔爆炸？胡德、羅馬、かが、あかぎ、ちょうかい（仲要佢係魚雷殉爆）表示呢啲運氣借啲畀我使下

    Read more: https://www.facebook.com/military.flak/posts/1833509976837728
    =======================================

    meme time






    0 :   0 0