正視聽！英國政府根本無強制遣返過香港申請庇護者！認清事實，提防譁眾取寵

SeVen
登入後回覆
  • 匿名者

    正視聽！英國政府根本無強制遣返過香港申請庇護者！認清事實，提防譁眾取寵

    今日見到又唔知邊度有未經fc嘅傳言，話有手足因為係英國申請政治庇護失敗而被逼返香港，即時被捕，仲同時引左一單暴動縱火案（https://lihkg.com/thread/2999865/page/1）。

    結果引來討論咩國際跣無撚用，但其實英國從來都無甚麼「大量拒絕」香港嘅庇護者，而且亦唔係黎自香港就等如受到政治逼害（例如真係聽聞過有人話國安法後經濟轉差而申請庇護:o)O:-)）。

    首先，睇返單暴動縱火案先，事主其實係一年前已經係秀茂坪單位被捕，並唔係所謂呢排聽到人返左香港然後落地即刻被捕。。

    睇番英國政府Dec 2021公佈嘅數據，其實根本係公安法落實後，無強制遣返過(enforced return)任何香港申請庇護嘅人士，當然拒絕庇護嘅個案一定有，亦唔係黎自香港就一定等如受到政治逼害。

    自稱幫忙海外手足政府人士
    內文好似講到係英國政府， 又邊個自稱政府人士去credit自己講嘅嘢？聽到自稱政府人士就知肯定可信性成疑，無好野。英國負責審批庇護嘅部門係UKVI (UK visas and immigration)，入面工作嘅公務員亦唔可以透露呢啲自願返回(voluntary return)嘅個案細節！#kill##kill#

    英國的香港組織沒有經驗豐富的人士協助﹐未能把申請材料證據整理好﹐只有依靠律師﹐但律師不懂中文及香港的情況
    咩叫有經驗？Citizen Advice Bureau都係叫你搵法律代表，反而想知咩叫有經驗人士影響到，其實法律上從來程序都無咩推薦信呢啲玩法（一直有謠言誤傳政治庇護需要有政府聯繫、政界人士推薦信，結果好多手足疲於奔命去搵），喂英國法治社會黎㗎，asylum嘅程序係按照Immigration and Asylum Act 1999嘅法律所規定。係咪又暗示asylum成功要走後門？唔好玩啦，大把人都係無任何connection下搞掂。其實好多case所謂嘅證據，咪又係得張被捕warrant或者起訴書要交上去（香港警察開出黎張warrant有埋英文，無需要自己翻譯添）。

    香港民族作為一個新興嘅離散族群，現時大多數律師係未必清楚香港情況，但衰左係咪真係律師責任先，或者自己揀得行呢條路係咪無應有嘅責任呢？其實據以往支援手足情況所見，唔少年輕嘅香港asylum seeker根本連自己權利同責任都唔清楚，連個procedure都唔知係點，又唔自己上網睇字（唔好賴英文差，唔識就google translate）。

    律師唔識中文，你又唔識英文？
    不論係同律師傾談過程以及同內政部面試嘅過程入面，法援(legal aid)係包括免費嘅傳譯(interpretator)服務，反而難搵法律代表係真。呢個係你嘅權利黎。

    入面提到嘅「國家報告」係Country Origin Information，係一份內政部根據原居地情況而決定庇護批核與否嘅文件，當中最新2021年9月更新嘅國安法文件，字眼上已經放鬆左threshold唔少：

    2.4.18 Where a person is able to demonstrate that they are likely to be arrested and prosecuted under the NSL and the punishment is disproportionately harsh, then the prosecution is likely to amount to persecution
    https://assets.publishing.service.gov.uk/government/uploads/system/uploads/attachment_data/file/1021480/China_-Hong_Kong_National_Security_Law-CPIN-_V2.0.pdf
    https://www.gov.uk/government/publications/china-country-policy-and-information-notes

    另，坊間有唔少協助asylum嘅計劃同服務，例如港援 @hongkongaid、好鄰舍教會嘅食物援助計劃（🎫
    🍕
    🍱
    【港人食物支援計劃】現已接受申請及捐助，以電子超市券幫助經濟困難港人 https://wp.me/pcNPLL-7H） 明白大家都擔心庇護申請者生活艱難，毫無事前準備下放棄自己係香港嘅生活，亦唔係每一個人都頂得順。而寄養家庭好多時都係印巴家庭，亦無特別嘅培訓如何照顧其他族裔嘅申請庇護兒童，文化衝突亦係預期中可見嘅事。

    asylum seeking唔包你過富裕生活，離開得要預左條路唔容易，自己都住過半年政府住宿，啲膳食連同住嘅非洲庇護者都投訴添，真係買個電磁爐係房，日日只能夠係toilet洗碗，公共空間走廊嘔吐物幾個月無人清理，環境就一定唔係好得去邊度，但係咪真係講到生存唔到，好有保留。香港人已經好好彩，其他種族好多等候時間都起碼三年以上，但香港人都有唔少個案係一年左右批左，其實過程中點會無人同政府liaise過。

    有關更多申請庇護嘅資訊，可以參閱HKT-7 channel：
    申請英國政治庇護懶人包: https://t.me/hkt_7/71
    英國旅行/避難懶人包: https://t.me/hkt_7/350

    整合自 我的流學日記 @ uk channel
    （台主現正於英國申請政治庇護等候逾年半，曾為英國支援庇護手足及離散者組織要員之一，上年8月有幸獲得某所英國大學給予forced migrant專設的全額獎學金修讀法律及政治，亦與local NGO合作做過legal research研究英國難民法律及政策上的不公和延誤，以及NGO如何及時在政府出現policy gap時提供支援）

    0 :   0 0