楊英偉香港留大廈單位收租 打算於奧地利置業:買古堡應該冇問題
-
60歲資深演員楊英偉今年1月接受《香港01》訪問,獨家爆出已帶同92歲的父親一家四口移民奧地利維也納,並取得當地居留權。他大讚當地物美價廉,物價僅為香港的三分一至二分一。楊英偉一家四口居於有150年樓齡、約1300呎的寓所,每月租金僅一萬多港元,生活舒適。
身為樓宇投資者的楊英偉上周被爆出以1,100萬沽出其日出康城首都1個4房單位。據土地註冊處資料顯示,楊英偉及其妻子陳寶英於2010年以561.8萬買入上址,持貨12年,賺538.2萬元,物業升值約95.8%。
楊英偉近日再接受《香港01》訪問,他承認近日賣樓賺了逾500萬,現身處加拿大多倫多的他笑言:「一嚟到個個都問我你賣樓呀?」楊英偉如今仍手持一個工廠大廈單位於香港收租,並指已將超過一半錢匯款至奧地利,入籍後會於奧地利買多層樓,他說道:「一定會買。(買古堡?)應該冇問題。」
楊英偉指會視乎疫情情況才決定何時回港處理相關賣樓手續,他說:「7月中佢就畀晒啲錢。我睇吓9月情況。隔離嘅話會好麻煩,例如返嚟隔離又冇咗7日,然後返嚟10日、8日,咁搞都兩個禮拜,如果唔使隔離就舒舒服服。」楊英偉父親手持只有3個月有效期的旅遊簽證,故須離開歐盟國家三個月,他們決定順道到加拿大探親,並定於6月尾回奧地利,預計到6、9月便可為父親取得居留證。但因為擔心92歲老父抵受不住奧地利寒冬,故楊英偉打算偕父親下年回港。
楊英偉移民奧地利後依然生活充實。他透露有福音機構打算疫情後來奧地利拍節目,並邀請他擔任主持;他又獲鄭敬基邀請拍節目,兼教戲劇。雖然工作忙碌,但楊英偉已描繪出未來理想生活藍圖,他不嚮往大富大貴,現在經已賺夠,不愁生活已相當滿足,他說:「做多幾年之後就同太太遊山玩水,我太太直頭唔想我做添!我打算9月買架車,你揸4個鐘可以去意大利、匈牙利,周圍玩。而未來幾年會致力飽覧奧地利絕美湖光山色。」
楊英偉再度大讚奧地利福利好,兒子適應良好,近日更獲安排到診所實習,他說:「仔仔好鍾意嗰度,德文Catch up咗唔少,英文、數學成績亦相當唔錯,呢樣真係令我開心嘅。佢中學有實習,一年有幾個禮拜去搵工作,咁阿仔就去搵工啦,佢搵到一間診所做Helper,佢就開始好鍾意診所,除咗平時返工,佢復活節,暑假都會去做,佢對醫護呢個行業好多興趣。而佢班上又有克羅地亞、蒙古、俄羅斯同學,佢又學咗兩句俄文,眼界開咗,成個班係好『聯合國』呀!佢好鍾意返學。佢哋又Plan咗6月尾去Outing,去睇電影、遊樂場,郊外、打保齡、食爆谷。而奧地利只係160歐元一個月學費。午餐券80歐一個月,4歐一餐。老人院都好到嚇死你,下晝仲有Tea Time。」
-
[中國fake news] 美國議員質問:TikTok用Wi-Fi 嗎?
SeVen • 匿名者 • 0 1 11 -
德國大罷工 公共交通幾乎癱瘓 慕尼黑和法蘭克福機場停飛
SeVen • 匿名者 • 0 1 8 -
英國首相辛偉誠提出1.6億英鎊打擊反社會行為
SeVen • 匿名者 • 0 1 6 -
華人有組織犯罪集團疑涉加州灣區多宗非法大麻案
SeVen • 匿名者 • 0 1 9 -
校園非禮案|校方發聲明指CCTV未拍到非禮 家長反駁廁所樓梯均是死位
SeVen • 匿名者 • 0 1 9 -
馬英九率團到大陸 希望透過年青人改善兩岸氛圍
SeVen • 匿名者 • 0 1 11 -
47人初選案|區諾軒完成作供 控方首指無被捕蔡澤鴻是共謀者
SeVen • 匿名者 • 0 1 13 -
女主人慘遭捅14刀奪命 鸚鵡不吃不喝講出兇手身份
SeVen • 匿名者 • 0 1 12 -
葉劉:「2元乘車開支如無底深潭」
SeVen • 匿名者 • 0 1 13