游學修不忿試當真被指變質 直播飲醉爆喊 豪哥眼淺陪拍檔哭一場：我同理心氾濫

[匿名者]

游學修在「試當真」直播中飲醉酒爆喊，事關自從他們推出NFT後，有網民質疑他們變質，變得只是為了搵錢，游學修飲多兩杯激動爆粗：「香港而家呢個地方就係，你有計算呢你就係仆街X家剷，有計算都可以係好人㗎嘛，不過佢哋唔L理。」跟住游學修已忍唔住爆喊，情緒失控連說三次：「喺呢個咁扭曲嘅時代，喺呢個咁扭曲嘅世界，唔好迫自己做一個壞人。」

許賢和豪哥出席活動，許賢被問到此事時表示，最後要由同事送游學修返屋企，豪哥昨晚亦都眼淺，他說：「我好易見到人喊我就喊，同理心氾濫。」他們說試當真成員平時好少飲酒：「最飲得應該係Locker（林家熙），因為佢成日揸住隻杯扮到好飲得。」

https://www.youtube.com/watch?v=XWMZB9_UP-Y&ab_channel=娛壹AsOne