港女力批迪士尼職員破壞童真 一句超現實打破小朋友幻想 網民：專業啲啦

[匿名者]

迪士尼一直帶給人們一個充滿快樂和夢幻的地方，是每個小朋友不能拒絕的奇妙世界，不少父母都會趁假日帶小朋友到迪士尼遊玩。然而，一名網友發文表示早前帶小朋友到迪士尼參加畫畫工作坊，過程令人充滿疑慮，而當日的職員態度亦令網友大呻破壞小朋友的幻想，大感失望。

帶小朋友參加工作坊 過程又急又趕

網友分享早前帶一班小朋友到迪士尼參加工作坊，其中一個環節是學畫畫，一開始感覺已經好趕急，不知道他們時間怎樣安排，最後只用了十分鐘便畫完一幅米奇老鼠，過程十分急促而小朋友根本完全跟不上，他更形容「都未畫好就到下一個step」，最後有很多小朋友畫完都感到自卑，表示「唔好睇我幅畫啦，畫得勁樣衰」，令她深感無言。

不滿職員態度差 破壞小朋友童真

該名網友更表示負責教畫畫的工作人員態度差，當時有位小朋友問為何不可以用擦膠，該名工作人員便回應「頭先咪講左無擦膠用囉～！係咪無留心聽清楚！？」更重複幾次強調是小朋友「唔聽清楚」。然後當小朋友問「點解姐姐你畫得咁靚嘅？」該名工作人員取然回答：「梗係啦，我日日返工，日日都要重複咁畫，梗係靚㗎！」回應令網友深感意外，感覺像一個上班上到好辛苦的社畜，與迪士尼標榜「一個充滿夢想嘅地方」完全不同，網友更表示這次經歷完全刷新他對迪士尼的看法。

網民反應兩極 有網民表示體諒

帖文發出後，有網民回應亦曾經遇到態度有問題的工作人員，有次有位小朋友表示跟不上於是舉手尋求幫助，該名工作人員回答可以找另一位女員工幫忙，更表示「唔識就舉手得㗎啦姐姐會過嚟幫你個姐姐好使好用㗎」，回應令網民驚訝，認為不應在工作期間有如此表現。同時認為培訓相當重要，雖然做客戶服務很辛苦很累，但當穿上制服，就應該表現出相應的行為和專業，不應該以一句「好辛苦要多多包容」就算。 另外亦有網民表示應該投訴制度而非員工，更形容「迪士尼係賣夢想嘅地方，但俾嘅人工又好現實…」