港女搭小巴遇狂躁司機唔准乘客叫有落 聽到即飛車：直接車你去總站

[匿名者]

一名女網民在網上討論區「Dcard」發文，稱登上小巴遇見一名經常不准乘客叫落車的司機，中途還自言自語及高速駕駛，聲言不准女事主落車直接載到去總站，嚇得她不敢再坐小巴。

女事主上星期二下午6時左右上了一輛小巴，發現是之前搭過車的司機。她解釋，因為小巴有分段收費，司機好喜歡監視住乘客的車費及何時何地上落車，然後就主動說「估到你喺邊度落車，你唔使嗌。」司機會叫乘客不要叫落車，話知道你邊度落喺邊度停。同時他都好喜歡自言自語。事主的屋企人都懷疑小巴司機精神異常。

事主上車後，就發現司機大怒自言自語，不斷重複「唔應該叫人落車，唔應該提佢地」。司機還說自己被一個阿伯鬧，自己不會再做好人。之後同車一名女乘客落車，司機仍然念念有詞，「途中佢揸揸吓突然仲揸到好快。我就嚟俾佢嚇死，於是我就全程捉實扶手。」

網民登上小巴才發現是經常自言自語的司機。《載得有情人》示意截圖
當事主快要到站於是就叫落車「赤泥坪有落，唔該。」她覺得這句話並不算無禮貌。結果司機一聽到這句就大發雷霆，大聲怒斥：「你做咩要嗌落車？點解唔一上車話喺邊度落。」司機又自稱「真係太好人」，「應該直接唔畀你落，直接車你去總站」之類。

事主當堂被司機嚇到呆，「有諗過直接話返佢轉頭，但係我真係好驚佢真係會好似佢咁個咁講直接車我去總站，唔畀我落。」不過幸好他都是讓事主中途落車。「個車門一打開，我就即刻衝出去。事主真係唔想再留係個小巴度啦。事後她就無再搭過小巴，自言「可能係因為呢件事令到事主對小巴產生咗陰影。」

有網民留言，「會唔會同站長/打去站頭問問佢咩事好啲。佢係司機成車人生命喺佢手上 一陣佢跳制自炒就XX」有人建議「抄低車牌/名投訴」。

不過也有多名可能知情的網民留言安撫，「係28K個呀叔，佢真係記得晒，不過我都係粒聲唔出由佢自己噏」、「28K？果個司機都好耐，成日係度同啲客吹水，唔洗咁驚嘅，佢都係講下笑架啫」、「係咪大埔28k，鍾意戴cap帽果個。好多年架啦佢，搭開條線嘅都知道由佢講就得，唔使太認真。有次我跟嗮佢規矩一上車就講邊度落，佢都可以好多野講，然後掉轉頭話你唔使一上車就講落，佢今次每個站都會停。所以真係唔使理佢，次次都唔同玩法真係唔夠佢玩」。

帖文轉載自網上討論區「Dcard」