倫敦年宵逾4千人入場　移英港人：似去咗維園

下星期就是農曆新年，英國各地都有慶祝活動。倫敦一連兩日舉行的港人年宵市場迫滿人，入口外「打蛇餅」，高峰時期要輪候近兩小時才能入場。有到場港人表示氣氛良好：「似去咗維園」，亦有檔主指不少人在現場偶遇親友，很有「拜年」的感覺。

「英倫年宵聚」星期六、日（14-15日）在倫敦Angel舉行，一連兩日人頭湧湧，不少人一家大細前來「行大運」。近50個攤檔售賣多款港式食物、賀年揮春、利是封、海味等。姜濤英國應援團、Anson Lo後援會（英國）都有擺檔。

創作多張抗爭畫作、移英香港藝術家淋漓淋浪夫婦擺檔售賣利是封、明信片等：「以前喺香港要搵食，所以主要教畫，好少時間創作。而家移民英國後有多啲空間做全職藝術家，所以嚟擺下檔、賣周邊商品，希望幫補吓，暫時生意比預期好。」

夫妻二人曾多次在英國本地市集擺檔，順勢用畫作向當地人講解香港的抗爭運動。他們表示，今次參與港人年宵份外親切：「氣氛好好，有啲客人話似去咗維園，我哋就覺得直頭似拜年，好多人喺到撞返啲親戚朋友，好開心、好溫馨。」

移英香港藝術家淋漓淋浪夫婦表示：「氣氛好好，有啲客人話似去咗維園，我哋就覺得直頭似拜年，好多人喺到撞返啲親戚朋友，好開心、好溫馨。」

有網店則趁年宵擺檔擴闊客源，「港式生活館」檔主表示：「過咗嚟英國之後發覺有好多喺香港可以好容易買到嘅家居廚房小用品好難搵到，所以想同過咗嚟嘅香港人分享搜羅返嚟嘅產品。」

檔口售賣兔年揮春、「魚蝦蟹」應節、亦有各種具香港特色的飾物，檔主表示：「反應熱烈，感受到香港人對香港特色嘅產品都好雀躍。」

檔口售賣各款具香港特色飾物，包括印有「HKG」字樣的帽。
主辦單位Victoria Harbor Group預計兩日有4,000人入場，認為氣氛比想像中好，發言人表示：「大部份時間水泄不通，行都行唔到。啲人話好以前喺香港行年宵嘅感覺，又迫又熱鬧。」

去年英國各地也有不同組織舉辦年宵，今年的「英倫年宵聚」是最大規模之一、攤檔橫跨兩層樓。主辦方亦指，在海外籌辦如此大型的年宵市集並不容易，要大量人力物力：「好難搵合適場地、要租金唔貴又能夠負擔。除咗核心團隊10人，我哋仲招募咗40個義工。」

他又指機構計劃今年年中在倫敦東部舉辦全年的港人市集，未來希望擴展至英國其地城市

支持台灣獨立，肢解中華民國，終結大中華種族主義
SeVen • 台灣獨立 • 匿名者 • 0 1 952