警方消息：櫻木花道配音者係輔警士沙 響亮聲線維持車公廟秩序

[匿名者]

改編自日本漫畫《男兒當入樽》嘅電影THE FIRST SLAM DUNK近日熱爆上映中。警隊官方刊物《警聲》最新一期提到，當中聲演男主角櫻木花道嘅梁志達，同時係輔警警署警長（士沙），佢早於1995年為主角配音，廿多年後為電影版「傾力聲演」。

扮地盤廣播獲讚 成入行濫觴

梁sir於1990年代初做地盤文員，成日用對講機同工友聯絡，得閒會模仿地盤廣播，獲讚賞扮得「維肖維妙」，所以對配音工作產生興趣，1993年起做配音員，近30年間聲演過好多角色。

梁sir一直夢想成為警察，惟未獲取錄，於是喺1987年加入輔警圓夢。佢話擔任輔警要處理唔同案件，包括家長焦急搵失蹤子女，而呢啲真實情感體會，對於聲演唔同角色能發揮奇妙作用。佢分享，多年前喺一個警隊頒獎禮上，以選美大賽主持聲線宣讀得獎名單，成功帶動全場氣氛，自此收到唔同部門邀請擔任司儀。現駐守田心分區嘅佢又話：「農曆新年期間，警方會到沙田車公廟維持秩序，我響亮的聲線十分適合在現場作出呼籲。」

https://news.mingpao.com/pns/港聞/article/20230209/s00002/1675880386770/【emily】櫻木花道配音者係輔警士沙-響亮聲線助維持車公廟秩序