遊客迪士尼試公主裙 逼6歲女剝光豬示眾長達4分鐘 網民：係咪痴咗線？

[匿名者]

相信不少家長帶囡囡去迪士尼都會買公主裙，讓她們一圓「迪士尼公主夢」。日前一名旅客帶女女到迪士尼買公主裙時，竟然讓女女在店內公眾地方剝光豬示眾長達4分鐘，令大批網民非常痛心！

6歲女迪士尼被剝光豬示眾4分鐘只為試公主裙

日前一名網民於Facebook群組「我真係好鍾意迪士尼資訊分享群」中發文，分享一件她在香港迪士尼樂園中目擊的事件。她稱當日在樂園大街的商店內見到一名約5 – 6歲，身高已及成人腰部高度的細路女，她的身旁還有她媽媽與另一名媽媽正在選購公主裙。

期間媽媽為了為女兒挑選合適尺寸的公主裙，竟讓身旁的女兒剝光豬，只穿著內褲、幾乎全身赤裸地站在商店內3 – 4分鐘，「我喺商店兜咗個圈，返嚟都仲見到個細路女剝光豬緊」！而該名網民亦補充到，細路女所站的位置近商店走廊位，人流極多且男女皆有。而細路女也明顯感到不適，用手遮住自己上身以作防備，同時路過的保安見此亦並未出言提醒。

網民：CLS會有童年陰影！

該網民的帖文引來大批網民相當衝擊，一眾網民皆批評該名媽媽的行為，同時亦十分痛心細路女的遭遇，深怕細路女會因為此事而產生陰影：「買條裙啫，唔駛當眾除哂衫呀？」、「我仔我都唔會咁，何況女仔。 大庭廣眾試衫都唔係咁試掛？著件T-shirt喺最底唔會太大分別呀？」同時也有網民指出迪士尼樂園的商店其實一直都未有設置試身室：「嗰個媽媽係唔啱。另一方面，迪士尼亦應該提供試身室」、「我覺得迪士尼應該將衫褲鞋放喺同一間商店賣，同要整埋試身室囉」、「之前去買衫，CM（職員）都係叫我去廁所試咋！」

有疑似知情網民解釋為何迪士尼樂園的商店皆沒有設置試身室： 係阻止啲人偷嘢，迪士尼啲shop應該為咗「magic moment」唔會裝防盜，佢咁多細細件嘅嘢，俾人試衫拎埋入去，放埋入袋⋯佢哋就真係唔駛做生意啦。佢哋culture亦都唔會challenge個客偷嘢對質。