[認知作戰] 為何港共文宣要將「口罩」定性為「香港人屈從」既象徵並改變歷史論述？要了解必須由19年大革命與及禁蒙面法講起

SeVen
認知作戰 港共文宣 口罩
登入後回覆
  • 匿名者

    [認知作戰] 為何港共文宣要將「口罩」定性為「香港人屈從」既象徵並改變歷史論述？要了解必須由19年大革命與及禁蒙面法講起

    TL;DR：

    一、中共殖民地香港淪為監控與警察城市，任何對政府既反對意見都會遭受中共與港共極大既報複。2019 年大革命爆發，200 萬人上街反抗暴政，「口罩」、「黑衫」、「Black Block」、「豬嘴」成為每個香港人響表達意見對抗政權既同時，盡量減少避免港共秋後算帳既「指定服飾」。

    二、口罩因此成為左抗爭者之間，不論「和理非」同「勇武」之間最基本既共同共識，「口罩」亦成為左 2019 年大革命既基中一個重要「抗爭象徵」。


    上圖可見，反送中抗爭中包含左各種各樣既公民組織：和理非、勇武、文宣、記者、律師、急救、哨兵 ... 等等都不約而同地帶上「口罩」。
    此圖源於 Google 搜尋，因排版問題我略作修改 (未更動原意)，原作者請多多包涵。

    三、2019 年 10 月港共實施緊急法，推行《禁止蒙面規例》，正正係衝住「口罩」而黎，因為「口罩」本身就象徵「人民對政權既不妥協」

    https://www.bbc.co.uk/news/world-asia-china-49931598
    BBC 的報導清楚紀錄：

    The ban covers all kinds of facial covering, including face paint. Protesters have increasingly worn masks for a number of reasons, including to conceal their identities - from employers, parents and, in some cases, police - and to protect themselves from tear gas.

    四、要將抵抗既意識消除，最好既辦法係將一部份既象徵同附號響集體意識同記憶入面消除，例如《願榮光歸香港》地位超然，幾近成為大家心目中既「國歌」，就必然成為針對對象，手法如下：

    1. 早期出現大量唔同歌詞既版本，意圖減少集體意志形成 (同樣案例：港英旗、光時旗、藍白旗、黃黑旗 ... etc)
    2. 例用爭議產生污名化，將事物定性為「私利」行先「公義」行後 (同樣案例：黃色經濟圈互屌 - 呢度必須感謝周導與 DGX 共同聲明成功化解事件，成為一個極好既榜樣#adore#)
    3. 從記憶與記錄中抹除，或將利用各種陳述/論述將其意義日漸含糊化 (同樣案例：口罩既抗爭意義、2019 年大革命既目的等等 - 同樣亦有既案例如 97金融海嘯係中國出手打救、03沙士係香港傳入大陸 等假事實)

    五、2020 年武肺爆發，香港人經歷沙士，心知「中共」又防毒害死全世界。要求封關。因為當時既港共政府得知武漢爆發後，並未進行任何措施避免病毒流入，同時容許中共利用香港作為跳板向外輸出病毒。當時既行政長官柒婆多次聲稱「口罩」係多L餘，並強調唔會封關，造成人心恐慌，香港人唯有帶上口罩展開自救。

    同一時間：

    (根據網絡謠傳，上述人等已於抗疫初期因感染死亡，來源不可考)

    六、當時情況有幾仆街呢？

    1. 當初病毒殺傷力極強，而且有傳入香港既風險，但港共唔進行任何既措施防止外來輸入
    2. 機場同各陸路邊境附近明明大把酒店、建築可以造抗疫隔離設施，但港共就選擇響鬧市建立隔離設施，將病毒帶入城市
    3. 港共擺明玩野，但口罩、洗手液既生產因為中共成個國家停擺而大量減少，亦因為開始成為各國既戰略物資，而難以取得，導致大量人口 0 防衛，並聲稱口罩係唔需要
    4. 到全世界都停擺停工停課停物流減少人口流動，港共仍然提出停唔停工係私人企業既問題，唔關政府事，根本無意阻止交叉感染

    簡單講，當時疫症初期港共政府基本上係無做任何野，而當時香港人唯有既辦法係自己搵口罩、整口罩展開自救行動，罷工逼使政府行動。(當然港共、衞生署、醫管局既仆街將來係要算帳，佢地由 day 1 到今日都無企過響專業既一方阻止港共唔合理既政策，由抗疫早期聽指示唔行動，到加害罷工手足，到抗疫後期執行明顯錯誤既決策而導致大量人口死亡，他日光復都必須要進行獨立調查並問責)

    七、由上可見，口罩由 2019 年大革命開始，到 2020 年香港人自救式防疫，「口罩」一直係抗爭者既主要象徵符號。而「口罩令」係直到 2020 年 7 月 15 號先實施與國安法實施時間非常接近，而響幾日前既 2020 年 7 月 1 日，香港岩岩經歷左國安法後第一次、亦係最後一次既大型示威，當日有 38 萬人去上街頭同黑警展開對抗，而當日每個示威者都選擇帶上口罩避免秋後算帳。

    八、最後，講一講點解港共要花大量時間將「口罩令」從「抗爭」符號，逐漸被模糊為「屈從」符號？個人認為有 3 點：

    1. 模糊帶上口罩既主因 -
      香港人帶上口罩，係始於 2019 年既大革命，因為當時香港已經淪為監控城市與及警察國家，任何不合政權主旋律既舉動，都會帶黎後果嚴重既秋後算帳。呢個先係人帶上口罩既基本主因，當然呢一點因為口罩令與及每日 PR 既洗版而逐漸變得含糊。

    2. 講好政府防疫故事 -
      香港人帶上口罩，後始於 2020 年港共既不作為，導致香港人需要自救。而每日 PR 既洗版，係剛好將呢個故事既邏輯倒轉，將香港人帶口罩講成係服從口罩令而造成，後屈從既表現。但如果你細心將時間線重新組織，香港人響政府阻攔下仍然自救帶上口罩，先係抗疫初期成功既主因。(後期病毒變種通過空氣快速傳染，帶唔帶口罩已經無意義，果陣應該係打有效疫苗同點樣有效使用抗疫資源，但港共響香港人自我防疫兩年下，並無對變種做好部署，加上港共有意容許大量假消息傳播導致大量人口無故死亡，造成一場類似「大躍進」大量人口死亡既人禍，應當問罪)

    3. 進行分化 -
      簡單講響一個多元既社會下，任何一件事都會有贊成同反對既意見，呢樣野係任何時間下都應該被容許。帶口罩，唔帶口罩，真係個人既選項，但兩極化唔理解前因後果非黑即白，又係唔係一個正確既討論呢？例如 721 白衫人係保家衛國，還是恐怖襲擊？例如 831 係制服還是濫殺？手足進行勇武係「義軍革命」還是「黑暴搶掠」？

    當我地被 PR / 港共文宣將討論帶到一個「點」上面既二元討論，響忽略一切前題下進行 YES / NO 既討論，我地好容易就失去左對整件事全貌既理解，最終造成無意義既爭論，或者令事件既真相變得模糊。例如 721 到底係「是不是遲到 39 分鐘？ 」、中大戰役「黑警有冇行入過校園」等等，都係港共慣用既技巧之一 https://lih.kg/2795974 。

    九、今日之後帶唔帶口罩，真係你個人既選擇，但佢絕對、亦從來唔係「屈從」既符號，2019年口罩代表既係不妥協、2020年初全民帶口罩市民自救既行動、2020中口罩令下係盡公民責任防止感染擴大既表現。帶上口罩並非奴役既象徵，你仍然要帶口罩只係代表香港既抗疫政策落後時代不合時宜咁解。再打個比喻：當人人用手機影相，唔通我有追求用單反又有錯？我鐘意懷舊玩翻菲林機又有錯？

    十、好似之前既幾篇「認知作戰」文章咁講，唔好比呢類有意為之既討論將你帶入支持 / 唔支持帶口罩既兩個極端，每個人帶、唔帶、點解帶、點解唔帶都有佢背後既故事同原因，呢個係多元社會應該有既基本因素。而煽動人民鬥人民、改變歷史論述，係中共響佢統治下長治久安既基本管治方針，我地要盡我地既能力去阻止呢種情況既發生同擴大，因為當人民內鬥愈烈，中共既國家就愈安全同穩固。

    終、最後一提，記得口罩仍然有好多用途，畢境需要行動既時候，物資例如 口罩、水、生理鹽水、玻璃樽 都係需要既。到時能夠多你一個識帶罩識 black block 既手足，真係好 好多 #bye#

    https://youtu.be/AYm8yNkO1SE

    香港「禁蒙面法」周六實施，觸發多起抗議示威 暴力升級

    https://www.bbc.com/zhongwen/trad/chinese-news-49931927

    0 :   0 0