[天網行動] 由鄧燕娥被誘捕,簡述中共「天網行動」誘捕海外異議人士、維吾爾人之手段與執行方式,為何「昨日新疆今日香港」?


  • [天網行動] 由鄧燕娥被誘捕,簡述中共「天網行動」誘捕海外異議人士、維吾爾人之手段與執行方式,為何「昨日新疆今日香港」?

    TL;DR:

    1. 之前成日講認知作戰,但除左用於洗腦既認知作戰以外,其實大家亦需要提防中共多年黎兩套專門捉拿、誘捕海外異議人士既「天網行動」與及「獵孤行動」。

    2. 「天網行動」同「獵孤行動」對維吾爾人、中國海外既異議人士、維權人士並非新鮮事,但對受國安法日漸滲透既香港,係一件完全唔陌生但難以想象會響香港實施既概念。

    3. 2022年初西班牙人權組織《保護衛士》發表報告《非自願回國:中國迫使海外「逃犯」歸國的秘密行動》講述中共政府點樣利用各種唔同既手段去誘導海外既中國人回國,LINK 如下:

      https://safeguarddefenders.com/en/blog/involuntary-returns-report-exposes-long-arm-policing-overseas

    4. 而當中點名中共兩個明文既行動代號,分別係 (1)「獵狐 Fox Hunt」與及 (2)「天網 Sky Net」,前者係習近平響 2014 年借「反貪」名義大規模逼害政敵後,用於追捕逃亡到境外異議人士既行動。而後者係 2015 年中共響世界各地既組織同網絡建立一套協助中共響海外追捕異議人士既網絡與及行動組織。後黎「獵孤行動」被併入「天網行動」持續執行至今,並將手段大幅擴展到用於種族逼害,用以誘捕維吾爾人回國進行「再教育」。

    5. 而人權組織《保護衛士》既報告就指出,「天網行動」既手法包括左:

    (1) 以家人為籌碼施壓:

    對家人監控、訊問、開除、凍結資產、不讓孩子就學或接受雙親照料、威脅人身安全或自由等手段,騷擾親友配合用電話、視訊、簡訊或錄影等方式,說服逃亡者返國。
    

    (2) 派遣海外特工:

    派遣公安、特工或非政府成員前往海外,藉由承諾或威脅迫使目標回到中國。中國特工或警察亦可能在東道國境內跨境執法,或將目標引誘到有簽署引渡條約的第三國。
    

    (3) 綁架:

    在極端情況下,特工會在海外綁架通緝目標,並將他們秘密送回國內。(中國監察法第52條的官方法律解釋,「綁架」和「誘捕」皆屬於讓海外逃犯非自願返國自首的「非常規措施」。)
    
    1. 2019 年,日本漫畫家 清水ともみ 就將一班逃離新疆既維吾爾人既親身經歷,發表左一系列既漫畫《命がけの証言》(中譯:豁出性命的證言),由第一身既角度,講述中共係點樣響新疆監禁、逼害、種族清洗與及由世界各地追捕、誘捕、綁架維吾爾人回國進行「再教育」與及「化學閹割」。

    2. 而當中就包括左以下手段 (請順序閱讀):





    1. 而今次鄧燕娥被捕,就明顯同人權報告入面既手法 (1) - 以家人為籌碼說服逃亡者返國 與及 維吾爾人 被誘捕回國監禁入集中營既手法十分相似。係中共響 2019 年開始逼害香港人既過程入面,首次由媒體確認中共開始利用呢種手法誘捕已經逃離香港既香港人 (其實呢個手法已經實行一段相當長既時間,只係唔係有名有姓既手足。)

    2. 除左人權報告既三個手法之外,仲有三個新增但日漸常見既手法與及行動:

    (1) 利用同路人身份 (反共) 誘騙異議人士

    例如:陳志恒、陳志煜案就係中共利用特務裝扮成同路人身份誘騙到新加坡後被綁架 (當中更包括左利用「假同路人」制造既交易記錄成為入罪證據)。因此香港手足響海外,亦必須多加留意自己既參加既組織/活動有冇異常既舉動,例如響你唔認識、陌生、不見其人、意義不明下,大量收集個人資料等等 (e.g. 不明既 TG Group、公開宣稱顛覆香港又大量收集個人資料既「香港議會」等等),都要小心同謹慎處理。
    

    (2) 利用注銷戶籍、更換護照等籍口誘騙海外華人回國後禁止出境

    例如之前就曾經爆出港共入境處要求年輕既香港手足回港換領護照,就同中共過去兩年誘騙海外華人注銷戶籍、更換護照為由迫佢回國後,再沒收護照禁止出境手法相同。
    

    (3) 利用當地海外華人組織同網絡,協助當地海外警署搜獵外地港人

    例如:任何中共派往海外既留學生、學者、海外組織、海外企業都會由當地既領事館通過大量唔同既「Wechat」群組監督及進行情報工作,因此世界各地只要有中國人既地方,就避免唔到會有「白蟻」既出現,而呢種網絡工程與及海外警署就成為左「天網」既主要運作節點,打個比喻即係反送中既抗爭者既哨兵運作模式,中共係一直響外地執行緊,不過對象係搜刮中共既敵人
    
    1. 過去數十年響英國殖民地政府既良政善治與及佢響《中英聯合聲明》既保衛下,香港人擁有兩項最基本既自由:
      (1) 言論自由
      (2) 出入境自由

    2. 響「天網」同「獵孤」行動並架齊驅下,中共政府除左威脅海外異議人士既人身自由外,仲會意圖制造一種「世界上沒有安全的地方是安全的,逃到國外也沒用,無處可逃。」既意識同思想到每一個人之下。海外既你,如果仍然有家人同資產響香港既情況下,中共既長臂執法會令你一生都唔會再擁有言論自由,而你既一生、甚至你既子女都仍然要活響言論審查之下,終日處於惶恐之中。

    3. 中共善於利用人性弱點,例如親人、子女、道德去威脅敵人。響國共內戰期間,就多番強迫手無寸鐵既平民、女人、甚至小朋友進行自殺衝峰,造成國軍對平民單方面屠殺。當時多屬正規軍又岩岩經歷數十年血戰希望休養生息既國軍,無辦法狠下心場殺害被迫送上戰場既平民,導致大批前線戰士厭戰,或投降或撤退,國軍高層亦對呢種無恥既打法無法作出應對,最後節節敗退,而最終呢班老兵響幾年後又被中共送上韓戰戰場送死。

    4. 主張唯物主義既中共響保護權力同爭奪權力既問題上面,係無任何底線既存在:因此任何既承諾都係謊言、一切既道德倫理仁義禮志都係唔存在、而所謂既網開一面必然係一個更深既陷阱。西藏人有民族意識,殺殺殺。北京人有反抗意識,殺殺殺。維吾爾人有民族意識,殺殺殺。香港人有民族意識,殺殺殺殺殺殺。

    5. 「今日新疆,明日香港」已經係往事。今次鄧燕娥被捕,就明顯同 維吾爾人 被誘捕回國監禁入集中營既手法十分相似。「昨日新疆,今日香港」先係今日既事實,大家必須清楚認知。呢個「香港」係指「香港人」,唔係「地理香港」。呢個絕對唔係國家安全既問題、亦絕對唔係維持國際金融中心繁榮穩定既問題,呢個係針對異己同對非我族類既種族滅絕。

  • 1
  • 1
  • 6
  • 1
  • 9
  • 4
  • 1
  • 2
  • 4