「天價龍蝦」 兩隻竟索價90萬元 酒樓員工疑出錯釀過百萬帳單

[匿名者]

多個Facebook群組今日（6日）流傳一張圖片，可見有食客於荃灣一間中菜館結賬期間，赫然發現自己所點的兩隻澳洲龍蝦，索價高達936,936元，整張單加上10%服務費，最後埋單超過百萬元，令人咋舌。

圖片流傳後引起網民討論，紛紛笑言「嗰兩隻係咩龍蝦？好想開吓眼界」、「純金龍蝦」、「兩隻龍蝦等於我幾年人工」、「食一餐都畀得起首期了」、「傾家蕩產都唔夠埋單」、「究竟係點樣皇家級嘅服務，先可以收九萬蚊嘅服務費」。

「天價」龍蝦引來網民熱議，「搶錢」、「明顯係打錯單」，一隻澳洲龍蝦的價錢應為468元，2隻即936港元。惟酒樓職員手快將價錢連續輸入，打成「936,936」，方成就此「天價」帳單；「請五星級總廚上你屋企煮都唔使一百萬」。亦有人相當不值酒樓員工是但求其的心態，直呼「出單同送單比客人睇的都炒得」。不過，事主與網民討論時態度輕鬆，相信發貼只為博君一粲而已。

記者其後致電有關中菜館查詢，對方回覆查詢時承認昨日確有職員印錯單，強調每隻龍蝦僅為468元，他們當時得知後已取消有關錯單，並重新出一張正確的收據給予顧客，直言「我哋點會收人百幾萬？」。