高級督察涉非禮孕婦 已經報警反稱受襲 告事主丈夫

[匿名者]

【高級督察涉非禮 反稱受襲報警】
【為求甩身 斥警隊：係人治！唔係法治！係好危險好危險嘅情況】

一名防止罪案科高級督察李卓賢涉嫌於前年11月23日，在尖沙咀美麗華廣場「Tiny微影」模型車店內，借醉強吻及胸襲懷孕3個月的女店長，並提出以100萬了事：「一球夠唔夠？我即刻開支票比你呀，比夠兩球你」。案件今（22日）在九龍城裁判法院續審，被告完成作供，案件押後至6月21日結案陳詞。

【警察45分鐘後才到場？】
被告今日再以想盡快離開、投其所好、被暴力對待等理由解釋提出以100萬私下和解妨礙司法公正一事。閉路電視片段顯示被告曾經向Y求饒「差人嚟到我走唔切！差人嚟我無咗份工！」、「你打我一身呀！」。被告解釋指Y：「呢個人真係好暴力！」，又大隻又大力，而且上周曾稱「公務員俾人屈好慘，警察畀人屈更加慘！」，「我乜都無做畀人秤兩嘢、撞我落枱、撞我個頭埋牆」不想被誣衊及暴力對待下，才以各種理由嘗試逃脫。又指自己已被禁錮45分鐘，兩害取其輕下，寧願挨一拳一巴後離開，好過被禁錮「得閒就打你三四下，隔一分鐘就打你三四下」。但控方指報警後至上述過程只有8分鐘，並非45分鐘，被告多次申辯警察45分鐘後才到場，但最後同意上述「暴力」過程只發生在報警後8分鐘。

【呢兩個人都係黃，同佢哋講自己係警察，打多幾錢重！】
被告同意控方所指，當日身上有委任證，可出示委任證然後拘捕Y，「但唔可以隨便用」，而且「呢兩個人都係黃，同佢哋講自己係警察，打多幾錢重。片段中Y反問被告：「如果你個女畀人搞你會點？」，被控方質疑沒有即時作出辯護反而求饒：「我知呀兄弟，我見你呀！」被告反指控方斷章取義，指當晚自己多次表示事件只屬誤會，觸碰只屬無心之失，又指知道X於2021年5月曾經小產，「X感情啲嘢成日同我講，我知嘅比佢老公多」，在酒精影響下投其所好「唔知佢講緊乜嘢，只係講我知呀我知呀…佢講乜咪乜囉，佢話我殺咗人，我都會話明啦明啦，佢話我燒咗佢間舖，我都會話明啦明啦，你放我走」，只求離開現場。

【警為求甩身 斥警隊人治，唔係法治，係好危險好危險嘅情況】
控方指被告深信自己無辜，理應不會喪失警察工作，但被告求饒時為求甩身多次談及害怕失去工作，被告解釋公務員就算脫罪後仍要面對紀律調查，或會被翻舊帳或針對，例如遲到早退、行為有損公眾服務聲譽、甚至刮花警棍，都可以成為紀律處分的原因。直斥警隊「人治，唔係完全法治，係好危險好危險嘅情況」、「公務員喺水深火熱畀人誣衊」。

【指控Y拇指叉頭】
被告自稱一直想離開，但控方提到案發前有多次機會可離開店舖，被告則表示想當朋友所以沒有離開，而且同意沒有要求X拉開半掩的閘門。被告又指被X的丈夫Y多次毆打，包括以手指公插頸動脈四秒，但控方播出閉路電視片段時有見到手指插頸的動作，被告則指電視有盲點。而案發兩個月後亦有報警指控Y對其的襲擊。

【被打被屈唔報警？】
被告被Y禁錮多次毆打、誣衊非禮下沒有報警求助，被告辯稱「同意，但唔係咁簡單」。指不知為何電話在背囊中的一格，而且處於飛行模式，又擔心拿出手機後會被打爛。

【警指X「成日講大話，小小規矩都唔會守】
警指X「成日講大話」，偷步售賣公司的模型車，亦會將被要求下架的貨物繼續發售。裁判官提醒被告上述指控沒有任何呈堂證供，作供詞或須三思，如指控牽涉刑事成分警方將介入調查，告誡被告並非「講咗就算，係有後果嘅」。

【反告Y】
辯方覆問下，被告透露案發後兩個月，即2022年1月曾經報警求助，指控被誣衊及暴力對待。表示本來沒有報警的念頭，當X是契妹，「畀個機會佢諗清楚啲，不論係misunderstanding定係set up又好」，但收到X、Y的作供文件，發現誣衊非禮的內容非常有創意，完全是杜撰出來的故事，「你做初一我做十五」，控告Y使用非法、不必要、不合比例的武力。

【受酒精影響扮蜘蛛俠】
被告又指當日受酒精影響，引述以往的情況，指自己飲酒後「跳掣」曾扮蜘蛛俠，但沒有相關記憶。而當晚購買重複的模型車、以為女兒同時間發燒、按不到防煙門的開關掣等，都是受酒精影響的表現。

李卓賢（33歲），案發時任防止罪案科高級督察，已被停職。被控於2021年11月23日，在尖沙咀美麗華廣場一期2樓一店舖內猥褻侵犯X；並在同日同地作出意圖妨礙司法公正的行為，即向X及其丈夫Y提議給予他們一筆金錢，以換取X不追究針對他的猥褻侵犯案件。

相關報道：
高級督察涉非禮 指黃絲孕婦以美色作招徠 老屈設局
叫得好姣、叫得好溫柔
https://bit.ly/3omlgp0

高級督察涉胸襲強吻大肚婆 欲以100萬了事
被告警：主動攞個胸撞埋嚟！突然間兩個胸撞埋嚟！一撞撞埋嚟！
https://bit.ly/3MF3oyN

防止罪案科高級督察 胸襲強吻大肚婆 欲以100萬了事
以「家姐」「阿哥」相稱 X強調無曖昧關係
https://bit.ly/436YjVn

#爆炸頭
Facebook: https://www.facebook.com/boomheadhk