有冇人識國安間諜蔡家進
-
之前喺加拿大申請咗難民,之後為咗想攞香港工傷嘅賠償,去咗中領館要求取消申請返香港,之後交咗加拿大家長資料比國安去換自己自由。宜家佢又返去加拿大想呃返班家長!
圖片可以去呢到睇
https://www.facebook.com/share/p/8DhuScLXYBNN2FwM/?mibextid=WC7FNe -
披藏有得睇
https://www.patreon.com/posts/22-1-2024-cai-96950516
22.1.2024--蔡家進 David Tsoi
老實講,件事已經過半年,我知道有唔少受害者,但無諗過受害者遍佈多國。直到最近有受害者被國安致電恐嚇,亦有人匿名私訴想我講一講呢個人,所以我決定開一篇講吓呢個人惡行。
.
利申,我直接識其中一啲受害者,經佢哋同意公開某啲內容。為咗保障某啲受害人身份,我唔會喺度提及任何受害者個人資料。
.
蔡家進,你接受咁多媒體訪問,係咁話受抹黑同逼害,又利用國安嘅事嚟博同情,以圖取得更多資助以及騙取更多家長資料俾國安。對於你呢位自稱「手足」嘅行為,實在忍無可忍。由於你會累好多人被捕或無得返港,所以我要公開你身份。
.
首先,你並唔係口中所講無父無母。喺英國時你已經攞到唔少資助係咁搭的士遊歷,仲要好有孝心咁供養你媽媽好食好住。然後你去到日本,欠下債務後去咗加拿大申請難民。當中有好多有心人幫你,當時你謊稱自己個「朋友」同你一齊走難,亦謊稱個朋友係加拿大人所以唔需要申請難民。然後你嗰位「朋友」唔知點解又係你「細佬」。總之,前前後後你不斷接觸唔同家長,不斷攞唔同人電話或其他聯絡方法,積極搵唔同人俾錢你,甚至租一架貴車要人幫手供養。其中一位家長幫你搵過唔同工作,你都無好好咁自力更新,更加以手足之名情緒勒索唔同人去幫你同資助你。最後,你喺加拿大明明申請難民,但因為債務以及其他個人問題,竟然選擇入中領館自首,等中領館派專人送你返香港。之後無啦啦去 CBSA 申請取消難民,攞返護照,要求家長俾錢你返香港或去其他地方,當人哋幫你買咗機票,你唔返,最後選擇由國安陪同下飛返香港。你臨上機前,扮嘢 send 咗張行李相俾某啲家長,相中行李係去日本,誤導家長以為你唔係國安陪同下返香港,而係去日本。結果,你係喺國安陪同下做呢一切,根本係有心喺國安監視之下聯絡一啲幫過你嘅組織及個人。
.
你返到香港後接受唔同媒體訪問,其中包括 HK01,亦喺連登有唔少關於你嘅「可憐 post」出現。你過份張揚並且公開講述虛假情況嘅行為令唔同國家家長感到惶恐。無幾耐,國安搵上某啲曾經幫助過你嘅人。點解?因為你返港後即刻俾國安扣留,然後俾晒資料國安,包括多位熱心人士嘅個人通訊、所在位置、私人資料,以換取金錢。之後你繼續用「被國安扣留過」嘅借口,去接觸更多媒體,甚至遠赴其他國家以「曾經難民」身份接觸更多人,攞更多資料及金錢後返香港賣俾國安。
.
你嘅行徑係不能接受。其中一位幫助過你嘅人覺得你有個悲慘童年,所以導致一切唔好行為,更有人會被你嘅「悲慘童年」說服,覺得自己蠢就算。但你每次做錯事, 包括喺另一國家偷嘢被捕、將家長借你嘅車放去老遠不顧而去、疑似毒品交易、車家長去山旮旯地方遺棄、賣資料俾國安、欠下債務、無申報下騙取多個團體資助等,每次呢啲事被揭發,你都會以「悲慘童年」作為借口, 但一而再再而三咁犯錯。簡言之,你同劉馬車根本無分別,都只不過係道歉當食生菜。
.
我知道有唔少人喺公海已經公開過你個人資料及行為,有啲或者就係你受害者,有啲或者只係路過參與其中。但至少,我相信以我一直以嚟寫文標準,就係只講我所知事實作為標準,期望以我自身公信力去公開你呢個危險人物惡行。希望各位,如遇任何人事話自己:1)無父無母或母親係泰國人;2)話自己尋親;3)話自己係喺英國嗌口號被國安盯上;4)話自己返香港後受到國安問話,後去加拿大申請難民;5)話自己去過日本/英國/澳州,但遭遇杴坷,請你哋唔好上當。
.
老實講,我嚴重懷疑究竟英國上報嗰次係咪國安有心安排,幫助你呢個根本無參與過 2019 嘅人攞手足光環,然後周遊列國騙取唔同人資料再返港。即使英國上報嗰次係真,但你嘅行徑已經害唔少人,亦嚴重損害緊整場運動。
.
呢場抗爭出過非常多社運敗類,而唔少資源同信任就係俾呢啲敗類敗晒。都係嗰句,有時自己團體中老鼠屎嘅殺傷力,比起敵人攻擊更大。
.
以上資料得人批准而放,部分內容可能涉及其他受害者或內容會偏離重點而無放
https://www.patreon.com/posts/29-1-2024-cai-er-97392975
29.1.2024 -- 蔡家進 (二)
上次講起蔡家進同唔同人喺不同國家呃錢以及呃家長、手足資料再賣俾國安。好多人都問我更詳細內容,但由於我都要保護返我認識嘅人,亦唔想好似蔡家進之流咁,為咗博取大家好感同呃 view 而出賣信任我嘅人。最近消息係蔡家進喺加拿大繼續風流快活,喺出呢篇文時應該未離境。而佢喺社交平台改咗名叫 Yip Ka Chun,以大賭李家誠嘅氣勢係咁話自己靠賭博搵唔少錢,更揚言話因為賭博賺到幾百萬,所以無攞過任何香港人錢,更話自己先係幫手足嗰個。我諗心水清嘅各位,又經歷過倫敦金騙案及大賭李家誠騙案嘅人,應該唔會上當掛。至於佢話無攞過香港人錢,蔡家進,你衣食住行都係由我認識嘅受害者有份「資助」,租金係香港人俾,機票錢係香港人俾,連車同工都係香港人幫你搵俾錢你洗,你仲要以呃返嚟嘅難民身份攞加拿大政府租金津貼,又點會係你口中所講有錢到咩都自己俾?
.
你一個人喺加拿大呃返嚟好食好住嘅錢,夠我一年洗費有突。喺我哋眾多手足都要自力更生情況下,你以「被國安捉過問話」前提,騙取咁多人同情心,將資源浪費晒喺你同你啲「親人」身上,仲要返香港向國安舉報幫助過你嘅人,有咩面目話其他人抹黑你?再者,你喺 facebook 不斷公開你所謂「幫過」嘅人全名、樣、子女樣、戶口號碼等,以你呢個被國安盯上嘅人,「幫」完人仲要喺公海咁樣出賣他人資料去「澄清」自己,無恥之極有咩面話係無辜?
.
再多嘅事我諗已好多海外組織知道,亦有唔少人將你嘅事同各國組織通報過,可能因為咁,你而家就以大賭李家誠為目標,係咁曬自己有幾多現金。我唔介意大家任意轉載呢篇及上篇內容,唔提我出處都無所謂(始終有人擔心過 share 我啲 post 會犯國安法),我只求更多人知道,喺社運圈中真係好多呢類騙子。
.
再講更多,其實不論台英美澳加,都有堆「手足」喺呢幾年入面,不斷呃「家長」錢去花天酒地。佢哋可以有被捕過、可以係還柙過坐過一陣、可以係只查過身份證、或者係有朋友或隊友被捕而走。唔少人係攞家長錢買毒品食(唔係大麻,係郵票),亦有唔少人攞嚟賭博及嫖妓。其實同捐錢去啲宣明會同紅十字會好似,啲錢大部分係咪幫到有需要嘅人?你係唔會知。
.
加上,好多人都唔識保護身邊人。我寧願啲人話我作故仔,都唔會因為要「澄清」或呃 view 而亂咁公開任何人資料。可以講幾多就幾多,可以公開幾多就幾多。但好多人都唔識保護受助者及施助者,我見唔少「手足」為咗光環,可以不顧任何人危險。最深刻一次係,有位自稱「手足」幫一個泛民組織站台,喺中領館前面,佢竟然大大聲咁講佢朋友「後日上庭,佢真係做咗好多嘢,做過XX又出過去XX」等。(為免被大家知邊單,我唔會講係做過咩事,以免律政司又玩嘢)。為咗光環,為咗令大眾一時感動,一個即將上庭嘅人被你喺中領館前大聲講出做過啲咩,真係多得你呢個「朋友」唔少。
.
有啲手足可能真係入世未深,為咗攞到更多資助而將家長資料俾好多人,或者周圍同人講邊個接佢哋,佢哋又去咗邊;或者喺未清楚狀況下就公開話自己識邊個,邊個幫過佢,咩 case number 等。我的確因為唔透露邊個幫助過自己而失去唔少「資助機會」,但亦興幸因為有好好保護身邊人而得到唔少人信任。
.
再提多次,如果唔識或唔信任就好好留返自用,留待真正有需要嘅人出現喺你面前。幫人無錯,唔係蠢事,只係要做好人,必須要夠奸,先可以知啲奸人用咩招害自己,從而提早止蝕。
下圖係蔡家進同埋佢個老友騙子Joshua 鐘。
-
匿名forum些牙fuckbook?
-
privacy nazi?
-
na你老味,點知係咪同facebook收兩份糧既支那人夾埋phishing
-
-
kai子?
-
俄羅斯 : 俄羅斯兩度幫助美國避免解體, 但不會有下次
689 • 匿名者 • 0 1 99 -
香港民研:逾6成港人對一國兩制有信心 對中國前途信心創2012年以來新高
689 • 匿名者 • 0 1 90 -
葉劉建議港府不再向Google買廣告 孫東回覆稱會認真考慮
689 • 匿名者 • 0 1 92 -
梁振英批海外港人網上向年輕人洗腦 盤點英國有至少68個類似組織
689 • 匿名者 • 0 1 126 -
麥美娟:有留意不同社交媒體 包括上連登
689 • 匿名者 • 0 1 160 -
中國好消息:大批老幹部見到毛主席
689 • 匿名者 • 0 1 189 -
Save HK:希望房署把關將公屋留俾真正香港人
689 • 匿名者 • 0 1 168 -
胡錫進:中國正逐步取消封城的措施,預計到農曆新年前,中國經濟會迎來強勁的反彈!!!
689 • 匿名者 • 0 1 305 -
蘋果計劃遷離支那生產鏈
689 • 匿名者 • 0 1 293